第十個必追或(even better)娶港 跑女的理由fLet me recap in港式廣東話。港 跑女追或娶得過的九個理由分別是:

1. 副偈永久保用
2. 身材堅無得輸
3. 樣子標緻可人
4. 自信氣質滿瀉
5. 食量大無問題
6. 吋嘴但心地好
7. 少燥少呻少黐
8. 體貼關懷忠誠
9. 爽朗活潑好玩

續上回

終於等到星期三晚Harbour Runners 例操,點知澤鉅都嚟? 他叫我同佢跑第一組,叫小圓自己跑五分pacing個組。我地跑到西九,停低休息。我喘著氣同澤鉅講: 『我可唔可以問你一樣嘢? 』澤鉅即刻話: 『唔使諗。』 我都未問,他就話: 『如果你想媾小圓嘅話,兄弟都無得做,講完。』說罷,他便自己跑返尖沙咀。沒有澤鉅的blessing,我跟小圓唯一的聯繫便是跑步。

八月份,我同小圓一起報了東馬,澤鉅知道後,他又報了十公里。東馬中簽率大概是十份之一,我跟自己講,若果我倆一起被抽中,就表示得到上天的祝福。我會選擇唔要兄弟。

十月,小圓同我都收到中簽電郵通知,當然澤鉅也收到。我同小圓都興奮過中六合彩,東馬只舉辦了五年,便成為Big Six,一定有它的原因,而且已聽過很多正評。接著下來,我們訂下一個十六周全馬sub 4 訓練計劃,精心挑選了六條長課訓練路線。

其中一課三十裡是從如心廣場跑到黃金海岸然後折返,雖然是十二月初,天氣仍很溫暖,小圓只穿bra top,當我見到豆大的滴水從頸流落事業線時,很想用手指輕輕幫她抹走它。她即時大聲說: 『睇好喇,手都打斷你架!』終極長課是沙田運動場跑到大美篤折返,全程大概三十九公里。

東馬來到,我地搭星期四淩晨機,清晨六時許抵達成田。我們訂了有明華盛頓,貪其近Expo,終點和International Friendship Run起點。比賽前一晚,我地會住新宿華盛頓。

取了跑手包後,我倆就開始在Expo血拼,戰利品包括兩對ASICS限量版,打算比賽當日齊齊著鴛鴦色落場,右腳螢光黃,左腳藍紫色。當日東馬打氣氣氛熱烈的程度完全beyond我們的 expectations,沿途的表現又非常精彩,小圓提議不如用盡時限享受一場馬拉松盛宴。如我所願,我可以拖著小圓隻手衝線。

晚上我們三人在台場食飯慶祝,晚飯後,我同小圓到外邊見到彩虹橋個沙灘散步,我把握這個機會跟小圓表白。我跟小圓說: 『未見返妳之前,我真係唔知道咩嘢係commitment. 經過這幾個月,我清楚知道我再唔會喜歡其他人,我真的好喜歡妳。』我凝望著她良久,她突然噗哧的一聲,WAKAKA笑起來。

她說: 『當我聽到你咁講時,原來無想像中痛快。你要做我隻兵,排隊都未輪到你啦!

原來是公主復仇記。

她見我生意失敗look 便說: 『講笑咋! 我無嬲你……就假嘅。其實,我都好喜歡你,不過是以前嘅事,現在已沒什麼感覺了。我只是很傷心當時你沒有留意我。一切都是timing. 講完,小圓便轉身離去。』

〔三級慎入〕
曾經有一個超正港 跑女擺在我的面前,但是我沒有珍惜,
等到失去的時候才後悔莫及,塵世間最痛苦的事莫過於此。
如果上天可以給我個機會再來一次的話,我會對這個女孩說我愛她,
如果非要在給跟她造愛的次數加上一個限額,我希望是一萬次…… 

跑女就是筍盤,她修身,你修心,你會全心全意去對她,少很多麻煩,你明的。

去返一級先,在馬鞍山海濱長廊練跑認識一位中佬師兄,師兄『導』了太太一齊跑,意外地,太太跑上癮,成績越來越來好,現在跑得比師兄還要快。有一晚,我地練tempo run,他的太太快我地成五分幾鐘,當我喘哂氣完成十五K時,他的太太已經係在飲水機飲緊水,師兄太太真係fit到痺,身形同年齡絕不相符。

師兄話: 『自從太太開始跑步後,他好似見返初相識嘅她,每天都想重新追一次。』

Nothing compares to 跑女。

免責聲明

跑場上的筍盤大部份已經mark突,仍是單身的你唯一可以做的就是擴大個pool,鼓勵更多港女跑步。

更多:
Fitz.hk Facebook專頁
第九個必追或(even better)娶港 跑女的理由
第八個必追或(even better)娶港 跑女的理由
第七個必追或(even better)娶港 跑女的理由
第六個必追或(even better)娶港 跑女的理由
Yiu Kwong Chan@Fitz.hk
Fitz Running 跑步


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > 第十個必追或(even better)娶港 跑女的理由