致：熟識的陌生人

晚上8點正，步入再普通不過的運動場
同一個入口，同樣的熱身動作，同樣的起跑點

空氣中瀰漫著討人厭的濕氣
還好的是，還有熟識不過的呼吸聲在旁邊打氣

“E, 四眼仔!今日狀態唔錯喎!”
“嘩!馬尾妹，件新跑衫好搶眼喎!買來渣馬個日著的?”
“肥師奶，今晚唔洗煮飯咩?咁早落黎跑步的?”

運動場一圈接著一圈，口始終忙著配合節奏~~呼~~吸~~呼……
對不起…剛才的說話從未發生過。
我地彼此素不相識。可能或者曾經有過0.1至0.2秒眼神接觸
不過無因此將兩條平行線扭曲交錯重疊
你有你的5:00/K,我有我的6:00/K
大家都選擇以自己速度，自己節奏平行前進
他們是運動場上 – 最熟識的陌生人
我地因為渣馬而一起同場練習過
由素不相識漸漸變成有輪廓且熟識的面孔
不過……..
不過到左下星期，渣馬結束後
還會有幾多熟識的面孔出現

馬尾妹仲會唔會成日帶唔同朋友仔來跑步?
四眼仔仲會唔會一放工就咬住麵包過來練跑?
肥師奶仲會唔會趕住煮飯，跑幾個圈就急急腳走?

有點點哀傷，像小學畢業一樣
過多幾日，無論成績好與否能不能跑完，大家都要畢業了
如果日後能在跑道上能夠再相遇
到時你要話我知，你渣馬跑成點……好唔好?

更多：
Fitz.hk Facebook專頁
我的小小堅持42.195—銀馬前編
[澳門馬拉松] 孤身走我路
渣馬專區@Fitz.hk