35日跑大概2,500公里，聽起嚟好似好瘋狂嘅一件事，但偏偏本港視障跑手梁小偉 (Gary) 就挑戰自己最長距離嘅長跑路線，穿州過省為嘅係咩? 為嘅係本港慈善機構籌款。我作為佢4日嘅領跑員，真係佩服佢嘅堅毅!
身份角色大換位
跑步可以話係一件個人運動，但當角色變為「陪跑專員」嘅時候，感覺又如何? 做一個領跑員，首先要放低個人主義，要甘於做「工具」，全心全意做視障跑手嘅眼睛，短短幾日領跑日子，由一張白紙咩都唔識，只係領跑前同 Gary 夾過幾次，就出發到河南帶著 Gary 跑到湖北，呢段日子我哋成為最親密嘅戰友! 領跑員唔係單單「陪跑」咁簡單，同時要照顧 Gary 心理質素。由北京開跑到河南身體唔使多講，Gary 有一定程度上嘅透支；加上離鄉別井跑左十幾日，無強勁嘅心理輔導真係頂唔順!
可以將跑步的能力去幫助視障運動員，相比起麻木追成績更有意義。
前路茫茫靠GPS
Gary 由北京跑落香港，分咗幾組領跑小隊，每組都由5名領跑員組成。當然組員入邊未必個個都識晒，有啲係當日先識。組同組交接都由上一隊組長詳細跟下組領跑員講解注意事情，包括路面、天氣、領跑時特別注意啲咩咁! 其實最偉大嘅係我哋嘅司機 (我哋個個都叫佢做李大哥)，跟足全程，佢熟識國內路段、當地習慣、沿途運送我哋每個人既 backpack 同 Gary 啲補給等等，畢竟內地冇視障領跑同跑步嘅概念，全靠李大哥護航，先可以每組順利交接。
每朝開跑最緊要係咩? 就係開GPS定位，跟著106國道咁跑落嚟。唔識路? 都唔會嘅，有偉大嘅李大哥揸車，每4公里停一停，確保我哋無跑錯路! 靠 GPS 摸路、臨時執生跑步真係第一次，雖然好似好危險、好似「前路茫茫」咁，但咁樣嘅體驗人生幾何?
領跑員呢個身份角色當初有猶豫一下，驚自己做唔嚟之餘，仲要返上內地跑喎! 但完咗幾日領跑之後，其實只要肯去做，就一定做到!
(編按：截至4月11日，Gary已跑了15天，已離開華北平原進入江西、湖北一帶山區，為35日裏最辛苦一段路。Gary預計在4月28日由羅湖返港，並由上水跑至薄扶林數碼港完成創舉。)
梁小偉Gary公開呼籲
我梁小偉 Gary 是位視障跑手，今次選擇了由北京跑回香港我的家，我可能係全球第一個視障跑手，用35天跑2500公里回家的一個香港人，並且為母親的抉擇籌款，希望讓小朋友有一個溫暖的家。
今天希望邀請每一位香港人，可以和我一同創造一個屬於我們香港人的慈善紀錄，就是以$1或$2元港幣支持我跑每一公里，是次行動代號《日日計，鋪鋪清》。
請留言支持 Gary「日日計、鋪鋪清」
我們每晚在此公佈明天要跑的距離，正如明天第一日，將會跑66公里，約你願意支持請留言，説:「願意以$1支持、$2支持、$3……如此類推……那麼完成了第一天66公里後，您就以愛心捐出$66 ，$132或$198等……請直接入數至母親的抉擇捐款戶口 (滙豐銀行048-082739-001）之後上載入數紙到留言區，藉以鼓勵我下一日的行程
另外，除了你的捐款也請你分享這《日日計，鋪鋪清》的行動給身邊的朋友、家人，下至3歲到80歲的香港人，都可以一同共創香港的紀錄，一個屬於我們香港人愛心的紀錄。譲我們一同起跑吧!
Fitz連結: https://fitz.hk/?p=117380
更多:
Fitz Facebook專頁
[視障跑手梁小偉2500km長征] Day 10 環境不似預期 路線略作微調
[視障跑手梁小偉2500km長征] Day 3-5 人身安全最重要
[視障跑手梁小偉2500Km長征] Day 1 北京出發
[街跑媽媽] 我的陪跑第一課 (視障跑手梁小偉2500Km長征前記)
[視障跑手梁小偉] 北京至香港 2500公里大長征 3月展開
[環台1200公里] 視障跑手梁小偉: 呢次大鑊過跑南極!
[視障馬拉松一哥] 梁小偉的十句說話
Fitz Running 跑步
分享連結:
