越跑越窮_f因為要吸睛所以標題要誇張了一點。

老老柒柒去點算過去花費在跑步上的各樣開支發現委實不少。以前跑步是好很儉樸的『以前』是指渣馬當時試過以深水埗運動場為終點一年後起點搬到尖沙咀的上一個世紀。

當時的參加者大部分都會穿大會送嘅吸水力特強的棉質tee shirt跑完之後重到你想褲都除堆個隻。

初初練跑時我個一身裝扮係柒到核爆的一件褪色兼泛黃的白色利工民笠衫加無內膽波褲仲要將件衫束入去個隻跑鞋好似係厚底Reebok. 見到咁樣的裝扮唔好話女呀鬼都嚇走啦。手錶係幾百蚊的不是GShock的卡西歐冬天帶的白色手襪是同深水埗的街邊檔阿婆買的。

以前沒有power gel有資深教練教袋著幾包得力素葡萄糖粉係身。原來之前要練習怎樣邊跑邊食我無練就瀨嘢食的時候迎面大風吹直送入喉嚨即是時嗆鼻飲水都無用咳到要即時上岸。

時代光速進步現在的gears 非常講究對提昇跑步表現有很一定幫助加上『輸人不輸陣』這常識買下買下想唔窮都難。粗略統計一下2xu visor幾百Oakley或其他品牌太陽超幾千Bose防水耳筒上千, smart phone arm band幾百CWX conditioning wear 天價Nike手套幾百Garmin二千幾起碼, Salomon twin skin跑步褲千尾防水泡襪又百幾ASICS Tarther 日本版千六貼布唔貴把較剪好貴

還有其他琳琳種種的開支例如參加比賽和海外馬海外馬先最燒銀紙, 入了谷後經常見到院友放毒, 個個post海外馬 Expo 血拚同完走相好難不心動跑過一次之後就真係Take嘢衰硬, 自始上癮有朋友連續跑了八年東馬他話要用東馬來開年先老嚟。跑了東馬後唔爭在其他五隻馬, 隨即透過慈善團體報倫馬, 成皮幾兩皮嘢捐款, 籌不到旗就要自己硬食。最慘係院友最多藉 口跑不到PB時就同自己講邊度跌底嘅, 邊度起返身, 出年復活戰。

唔好彩受傷的話, 物理治療和針灸好多medical plan都唔包一次性交易都要八百至千幾。幸運沒有受傷的話, 可能都會幫襯按摩加快recovery。另外院友要定時食藥,買補品如VAAMMusashiAmino Value 諸如此類再一筆還有買書DVD同雜誌呢。我有無漏?

所以你想整窮邊個一於道佢去跑步

更多:
Fitz.hk Facebook專頁
十個必追或(even better)娶港 跑女的理由
渣馬—衝線乜乜乜
Yiu Kwong Chan@Fitz.hk
Fitz Running 跑步


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > 越跑越窮至真