marathon du médoc
擺晒啲紅酒出嚟,跑手飲清水定飲酒?

更新: 6-8-2017 衛生署、影片

古語有云:「酒精害人,開車前咪飲」。咁跑步呢? 香港衛生署就意見多多,大意話酒精同運動「兩個只能活一個」,叫大家做運動就唔好飲酒!

不過,對於喜嚐杯中物嘅西方人嚟講,跑住嚟飲,或者飲住嚟跑,係絕對無問題! 其中,喺法國紅酒之鄉舉辦嘅梅驛馬拉松 (marathon du médoc),既唔會有衛生部官員指指點點,醫生亦絕對唔會嘰嘰兀兀!

睇下上面個馬拉松吉祥物,就知道呢隻馬仔唔單止要你跑,仲要你飲! 梅驛係法國著名釀酒區,在波爾多地區內。呢個馬拉松要經過五十幾座酒莊,而且全程20幾個補給站,供應嘅唔單止清水同運動飲品,仲有紅酒白酒,跑手真係可以嘆住紅酒跑馬仔!

有人統計過,每個補給站飲細半杯紅酒,跑畢全程就會飲足三大支! 而且每年有10%嘅參賽者係因為飲醉酒而上巴士,真係酒量淺啲都唔好參賽!

marathon du médoc
馬拉松路線穿越五十幾座酒莊
marathon du médoc
跑完仲唔喪飲咩?

仲有,上佢哋個官網,你未必搵到「跑手須知」,但一眼就會見到佢哋介紹餐廳同酒莊,令人覺得所謂馬拉松比賽,其實只係一個開開心心活動,大家又何需太認真?


更多:
Fitz Facebook專頁
神力索OL Amelia Boone
有超邪惡食物 當然有超邪惡山賽 The Barkley Marathons
[有毒慎入] 識玩,一定要帶女友去玩呢個 (後篇) Eiger Ultra Trail
Fitz Running 跑步