Mat 完賽一刻，狀甚痛苦。
38歲嘅 Mat Wheelhouse 為咗紀念去世嘅父親，早前報名參加今個月英國曼徹斯特馬拉松 (Manchester Marathon) 嘅半馬項目，並為治療佢爸爸嘅醫院籌款。
Mat 當日晨早搭地鐵，遇到大批比賽選手，人人裝備充足，仲有好多能量飲品食品，而佢只係帶咗一支水。結果佢發現，原來自己搞錯時間，半馬組已經已起步，眼前呢班係參加全馬嘅選手。去到起點，Mat 超級失落，唔知點同捐款善長交待，更加唔知點面對佢去世嘅父親。
六神無主之下，Mat 走去問人點算，工作人員話:「你唯一可以參賽嘅做法，就係升級全馬項目，我哋可以唔加收你報名費。」就係咁，Mat 踏上人生第一場馬拉松比賽。
完賽後 Mat 去咗飲嘢慶祝
不過 Mat 並唔係長跑高手，佢平時練習只係5K、10K左右，最長一次都係跑過17公里，所以佢跑到半路已經開始頂唔住，要不斷停低。
----- 廣告 Ad -----
「當我好辛苦嘅時間，多得賽道上嘅選手同埋觀眾嘅打氣。我一停低，就有人拍我背脊鼓勵我，令我可以堅持落去。」
喺無準備之下，Mat 最終以4小時47分完賽，佢對於呢個時間當然絕對收貨。
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。