中國長跑賽事4月開始全面復甦，大家似乎已經忘卻疫情威脅，比賽人數回復正常外，連選手出術行為亦回復常態。
四川省眉州「仁壽半程馬拉松」於4月5日舉行，比賽之後兩日，大會公佈共有75人違規，被大會取消資格。違規事項包括走捷徑、代跑，以及乘坐公共交通工具等。據報道，好多違規選手並非一般平民百姓，當中有唔少係A區起步嘅快腳。
----- 廣告 Ad -----
中國長跑賽事選手作弊成風
近年，唔少大陸嘅長跑比賽都被指管理不善，縱容選手出術，所以主辦大會不時會懲治違規選手，以求殺一儆百。不過，今次一口氣捉拿75名出術者，情況甚為罕見，睇怕呢場比賽嘅違規情況真係好嚴重。而呢個消息，更加蓋過冠軍選手差10秒打破全國紀錄嘅新聞。
至於最大規模嘅違規賽事，首推2018年深圳南山半馬，當年 CCTV 影住大批選手跑捷徑直通對面賽道，事後共有258人被罰，可謂近年經典賽事。
資料: 新浪網
