Fitz > 運動 Sports > 跑步 Running > [強帖留名] 快腳 vs 慢腳
快腳慢腳
上街跑步遇到人多擠逼,互相禮讓好緊要。Photo: metroradio.com.hk

Fitz Blogger Queenie 在facebook一個群組留言:

快腳慢腳_fb

「昨天早上7點半左右,我係屯門西鐵站跑步,遇到俾著瑩光黃 “HKXX” 之背心男士大聲罵街。話說我是一名慢腳,我認,我已經跑在路邊,但佢係背後大聲叫借借,當時四周無人的,佢飛快跑過我時,我已經話sorry,誰不知佢仲大聲話跑得慢就行開一邊啦。

我實在未遇過咁無品的男士。好無品!
一條路上有快有慢,佢咁樣好討厭,跑步這麽多年,第一次遇上這事。」

文章發表了五小時,引來差不多100個Like,70多個回應。留言當中,固然很多人不忿這些所謂「快腳」的行徑。此外,有些留言又分享他們與「快腳」的相遇。

同為Fitz Blogger的Jeanne Wong
「有次比賽我臨近終點同一個男士平排跑,突然被佢撞開左1-2步。本來以為唔小心,但見佢怒啤我就知特登,可能話我同佢平排跑想挑釁佢!?(真係得鬼閒留意你呀)咁樣!我當下即時跑快d!請佢食塵 多謝佢又令我快多幾秒……」

其他留言:
「我上次寶雲跑仲慘,比個死鬼佬轉身fu?k me囉…暗示我跟住佢尾,但我跑速就係咁多,佢自己又唔放我,最後我選擇行一段路,等佢放我咁上下距離先開始跑,黎件事之後,我更加清楚我跑步係挑戰自己,訓練EQ的好地方……」

「快腳男無品起上嚟真係可以好無品: 2月跑街馬時我一早在起跑區第一排等開跑,臨開跑前1分鐘俾企喺我右後方的叔叔擠上前並用手踭撞我將我推到後排……雖然我老公話佢真係都幾快,拍住我老公返終點……不過品格如此低劣,更叻更快都無用,其內心始終是一個「弱雞男」……」

「先不論跑步應該人人快慢隨心,無分高低;退一萬步,單單見到人慢跑就當人慢腳,只反映這個人的無知和完全無基本的跑步知識……」

「我每次跑青公見到迎面跑來的跑手都會打招呼!大都好友善的回應,跑龄越耐的朋友修為越好!跑步並非只訓練自己的體能,亦是磨練心智的運動!希望那個不可一世的傻瓜有朝一日會修成正果啦!」

「試過有一次比賽比人從後推背, 青馬大橋人多路窄, 唔係咁容易移位讓路, 分明覺得你唔夠班阻住條路….你有本事就自己繞路過, 唔讓就係唔讓, 唔好推推撞撞, 最後再加個兇狠眼神送條友上路…..跑到識飛咁又點? 要你面對自己過犯的時候, 都只是顯得無地自容^^」

我在此補充一句:
劉華話齋,牌品好,人品自然好——跑品都係一樣。做人無品,你跑得幾快,都係一個無品嘅衰人。講完!

(按:這留言貼於「渣打馬拉松 2015-2099 Standard Chartered Marathon Hong Kong 2015-2099」,為一個「不公開的群組」。)

更多:
10個令女生開始喜跑的原因
[辛苦跑嚟志在食] 快腳的煩音
Fitz Running 跑步