位於佛羅里達州嘅 Treasure Coast，每年都會舉行 Marathon of the Treasure Coast 賽事，佢係美國田協認可嘅「波士頓馬拉松資格賽」 (USATF certfied Boston-Qualifying Marathon) ，唔少想參加波馬嘅跑手，都會特登參賽。
今年賽事於3月1日舉行，但喺起步後，近1300位選手全部跑錯路。大概跑咗大約1英里 (1.6公里)，有選手發現問題向大會投訴，有啲甚至跑咗2英里先至回頭。
路線圖 (按圖放大)
----- 廣告 Ad -----
主辦大會隨即宣佈將比賽暫停，並且將選手分為兩組。一組繼續喺原地繼續作賽，另一組行返去起點重新起步，重新計時。結果大概有150位選手選擇重新起步。唔少跑手因此間接影響成績，喪失跑波馬嘅資格。
賽事負責人 Mike Melton 話，有接近10%義工因為各種理由臨時甩底，令賽事人員嚴重不足。所以喺轉入第一個彎道時，無人員提醒選手比賽路線，亦沒有足夠顯示牌，導致今次事件。
咁呢場比賽仲有人參加，隨時只係因為波馬資格。
資料: TCPlam
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。