強國人民，造福地球人類，相信大家已心領神會。佢哋扶助鄰國弱小，好似話積極來港消費，接濟香港同胞；最近更將勢力擴展至東瀛，東洋人士即時拜服不已。而且，強國人民化不可能為可能之特異功能，更係技驚四座！
佢哋最新嘅貢獻，就係為各位報唔到渣打馬拉松嘅跑友，提供最後參賽機會，只係區區$1800人仔，仲係拒絕講價！哼，人哋要捱更抵夜一早起身衝入網站報名架，唔係咁都嫌貴呀嘛？
呢度仲有好多馬拉松名額可以買。
同一個網頁，上海馬拉松男子組名額，都賣到$4500人仔，佢哋簡直係畀個大優惠畀香港同胞啦。
----- 廣告 Ad -----
我哋已派出駐常平專員向賣家查詢詳情，可惜到目前為止仍未有回音。
咁報唔到名嘅香港同胞就真係唔好咁激動，「要不是有咱們內地同胞，香港人食X了」。
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。