面對疫症威脅，渣打香港馬拉松延期再延期，最新公佈嘅起跑日期為10月24日。唔少參加者都對呢個舉行日子有相當疑問，除咗擔心疫情發展，亦擔心10月份嘅天氣情況。
香港10月份氣溫平均高達26度
根據天文台數據，1981年至2020年10月份嘅天氣情況大致係咁:
- 氣溫: 20至26度 (2019年平均最高氣溫29.5度)
- 濕度: 70%至74%
- 雨量: 約100毫米，一個月平均有5日落雨
- 雲量: 55%至59%
- 日照: 55%
路跑賽事來講，呢個天氣溫度同濕度都有啲高，太陽亦可能過於猛烈，並非跑馬拉松嘅理想環境。而且，依照1961年以來嘅數字，10月份平均有0.8個颱風襲港，機會頗高。亦要注意，香港秋天轉吹北風，北方大陸嘅污濁空氣會吹到香港，空氣質素亦會較差。
----- 廣告 Ad -----
事實上，正常來說10月份係香港山賽開季，圖騰跑、雷利、毅行、苗圃，以至其他新興山賽，每個星期都絡繹不絕，喺呢個日子搞場咁大型路跑賽事，隨時會打亂晒成個賽季部署。再者，要喺10月份操起狀態，意味住夏季要進行更高強度訓練，諗起都真係辛苦呀。
資料: 香港天文台
朱溫
生於亂世，有種責任。這個責任就是做好自己，感染別人。鍛練好身體，才能裝備自己，迎接亂世。