[港產高科技] 靠辨識跑鞋 3.6秒搵張比賽相

完成比賽想搵番張中槍相，過去大家都要返到屋企，上 Facebook 嘅相簿，逐張逐相搵，閒閒地要 Click一千幾百次走唔甩! 搵相所花嘅時間同精神，比跑一場比賽更加辛苦!

香港有科技公司，就研發出電腦軟件，用電腦視覺 (Computer Vision) 同 AI，去訓練電腦辨識出相中跑友。經訓練後，每張相片只要3.6秒便可搵到搜尋者。

公司創辦人Jamie

Runner Tag 其中一位創辦人 Jamie，接受《明報》訪問，佢話自己本身亦係跑友，所以亦明白搵中槍相片嘅麻煩。而佢呢套軟件，就透過以下呢啲相中目標，歸納出搵相跑友嘅特徵:

1. 號碼布上嘅跑手編號
2. 跑友穿著嘅跑鞋

過往，亦有外國公司提供搜尋相片嘅技術。不過當中需要辨識目標人士面容。而 Jamie 強調，佢哋設計呢套軟件時，堅持唔用面容識別技巧，因為呢一方面，係會涉及侵犯私隱問題。

以跑鞋識別跑友身份，可以避開侵犯私隱問題。

----- 廣告 Ad -----

Jamie 亦話，呢套技術除咗幫大家搵相，仲可以針對賽事去進行研究分析。好似話舊年「永明閃耀人生跑」，佢哋就統計到參賽選手嘅跑鞋，大多數都係高價貨!

而家佢哋公司已經為好多個本地及外國賽事提供服務，希望遲下呢一類搵相技術可以繼續普及，方便大家。

資料來源: 明報、Runnertag

Fitz 連結: https://fitz.hk/?p=100353