平時唔跑步嘅人，每次聽到有人要跑馬拉松，就會驚嘆:「做乜要搵命博呀?」。其實只要有跑步習慣，就會明白到跑步令人精神爽利，心情愉快，龍精虎猛……總之好處多到數唔晒。
好彩，卒之有科學研究再次證明呢啲好處。
最新嘅研究來自 University College London and Barts Health NHS Trust，佢哋搵來138位從未參加過全程馬拉松嘅自願人士，參與一項半年嘅馬拉松訓練計劃。經跑步訓練之後，發現:
----- 廣告 Ad -----
- 血壓變得較穩定，遠離高血壓
- 血管回復彈性，最長達到年輕4歲嘅效果
- 血管年輕化，令心臟病發病以及中風嘅機率大幅減少
呢項研究已《美國心臟病學會期刊》發表，成為一項科學實證。
初馬訓練小心受傷
值得留意嘅係，有關機構原本搵來237人進行研究，但接受訓練後有71人因傷退賽，有52也於比賽中受傷。
有跑步經驗的醫生提醒初次參加馬拉松的朋友，訓練切勿冒進，以16至17星期，每星期為三課最為理想。若訓練中途有傷患，亦要留意傷勢。
永誠
講求綠色、環保、天然的健康生活。推廣新一代健康生活文化。