越野跑女生的斷捨離

大嬸好想打開佢地個背包，睇下點解可以得咁少野

大嬸成日有一個不解之謎: 大家跑同一條路線，點解其他跑手 (特別是男同學) 嘅行裝往往都咁輕便和瀟灑，而自己個包包總係大大份、重甸甸? 唔通因為大嬸有強迫行為，過份有備無患和騰雞，帶左太多無謂野?

好，就來一次斷捨離吧!

操完山沖涼，對其他人而言可能是奢侈品，但對大嬸來說是必需品，畢竟在公共交通工具內發出嗅味會令自己和乘客不安，必定同你保持社交距離 x2。所以大嬸計劃行裝會較審慎而全面。

斷捨離前的大嬸

斷捨離後的大嬸

----- 廣告 Ad -----

斷捨離第一步: 分類。假設今次是在晴天操山 (因夜山和下雨所需裝備不同)，首先把物品分為「必帶」(essential)；有都唔錯 (nice to have)；和「奢侈品」(luxurious)。大嬸嘗試將必帶物品減至最少，但有些還是好掙扎，放左落袋又攞番出嚟幾次。希望大家俾下意見。

必帶物品 (essential)

1. 飲料 (水、電解/能量飲品、鹽丸/糖)
2. 食品 (energy gel、bar等)
3. 防曬
4. 替換衣物、毛巾
5. 洗頭水、沐浴露
6. 面霜
7. 消毒搓手液 (疫情期間，不可不帶)
8. 紙巾 (男跑手通常唔帶，但會問人借)

有都唔錯 (nice to have)

1. 梳 (唯有用五指梳)
2. 拖鞋 (好難接受沖完涼再著番對污糟鞋)
3. 環保袋 (用來裝個好嗅嘅背包同鞋)
4. 眼霜 (男人唔明架啦！面霜唔能夠搽眼。絲打們，你話呢個係咪必需?)
5. 蚊怕水/蚊膏 (冇位帶唯有跑快D，唔好俾蚊追到!)
6. 風褸?? (呢個係咪必需呢? 天氣變幻莫測! 同埋香港商埸通常都好凍!)
7. 雨傘 (可用來遮太陽，尤其在烈日上山，可降低溫度。)

拖鞋有輕如薄底1cm

有大如幾cm厚嘅 recovery 拖

奢侈品 (luxurious)

1. 急救用品?? (呢個最掙扎! 好似係必需，但最佔位! 只好帶幾塊消毒膠布)
2. 護髪素 (頭髮打哂結，唯有下次洗頭補番用)
3. 行山杖 (上山好想有，落山嫌阻埞。唯有練好耐力和肌力)
4. 後備電 (想唔帶好易，一係唔好影相、碌手機，或換部新電話就包夠電用)
5. 化妝品 (如果擔心沖完涼出嚟同行朋友唔認得你，呢樣就係必需品啦!)

大嬸為左讓行裝減磅在坊間搜尋了一些超輕和慳位產品，包括毛巾和環保袋。(見圖)

神奇環保袋 (用叮噹tone)，摺埋後如紙巾大小

----- 廣告 Ad -----

濃縮毛巾，總可有容身之所

後記: 斷捨離之後，發現包包仍比男跑手重一倍。似乎男女平等仍然是遙不可及?