香港時間1月15日，英國多份報章報道，國際田聯 (IAAF) 將禁止跑手於旗下比賽使用Nike Vaporfly。佢哋嘅講法係「likely to be banned」、「set to be banned」。睇呢幾份報章嘅口風，有關消息絕對「堅過石堅」，Nike 似乎難逃劫數。
引發呢次爭論嘅事件，係去年10月肯雅女將 Brigid Kosgei 於芝加哥馬拉松著住 Vaporfly Next%，打破保持15年嘅世界紀錄81秒。而 Eliud Kipchoge 更加著住升級版 Alphafly，喺維也納造出人類「破二」創舉。呢幾份英國報章話，有關方面收到各方面投訴，於是國際田聯著手調查。
Brigid Kosgei打破世界紀錄一刻
----- 廣告 Ad -----
報道未有解釋當中理據，不過話會喺四月公佈有關決定，到時有關跑鞋應該會被禁。至於會唔會推翻已打破嘅紀錄，暫時未有決定。
作為消費者，呢個時候係咪應該入市搶多幾對 Next% 呢?
資料來源: The Times、Daily Mail
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。