Fitz > 運動 Sports > 跑步 Running > 跑完全馬,下個目標定乜好?

松鼠羊年開始咗冇耐,Karena先祝各位師兄師姐羊年長跑長有、永冇抽筋、PB話咁易!

新年的指定動作除咗食年糕(肥!)之外,就當然係定番啲New Year Resolution(s)俾自己啦。呢樣嘢唔係hea架,我每年都好認真對待,會楔高枕頭諗清諗楚。事關難度太高嘅又盞辛苦自己,太易achieve嘅就更加冇意思啦。

過去幾年,啱啱開始學跑時就定下要完成到10k,之後就係完成半馬、全馬。雖然次次都只係志在完成,但係都叫完成到個目標呀。

到咗今年,弊喇,下一步真係要花少少心機諗真。既然喺路程長度上冇咩可能有進步空間(梗係啦,唔通去跑超馬咩?雖然睇人地跑真係好正,但我自問真係未到呢個地步囉!),咁就唯有喺速度上set target吧。問題就湧住黎喇:要跑快幾多好呢?路程練幾長呢?點定先唔會太aggressive 呢?

喺呢啲時候,通常都會有把智者嘅聲音出現…

教練:「集中練番10k先,試試每K要5分半內完成!」

咦?呢個target OK喎!我不嬲都跑開6分半1K,呢個目標aggressive 得黎又achievable!

不過而家講乜都假,新年食咗咁多糕,今個星期個目標點都要找咗條數先!

更多:
為咗加碳,你可以食到幾盡?
「我-跑-完-馬-拉-松!」
Fitz跑步文章


文章為作者意見,不代表Fitz立場。