Fitz > 運動 Sports > 跑步 Running > 跑步一定要著壓力褲?

5大好處 跑步一定要著壓力褲 2近年壓力褲、壓力襪大行其道,但係仍不斷有人懷疑呢啲「壓力裝備」嘅實際效用。咁樣,幾百蚊至千幾二千蚊條壓力褲,究竟應唔應該買呢?

買幾貴,咩牌子我呢度就不表意見,不過大膽講句,跑步一定要著壓力褲!

1. 提升表現
海內外唔少專家嘅講法都有唔同,亦正亦反。不過近兩年台灣做過多次研究。其中台灣半官方機構「紡織產業綜合研究所」做過大量研究,話「壓力褲能夠提高跑步距離 35%、提升跑步速度 9%」。

雖則話西方亦有專家話壓力褲同跑步表現無大關係 (如澳洲研究)。不過大家都唔能夠否認嘅係,著多一條幾百蚊嘅短褲,心理上一定更有自信心,自然表現都更好。

2. 延緩肌肉疲勞
呢個亦係製造商強調嘅好處。而台灣TVBS亦做過研究,以高強度跑步嚟計,無著壓力褲就3分鐘會肌肉疲勞,但著咗之後可以延遲至8分鐘先攰。呢啲電視台嘅研究未必好科學,不過亦有一定參考價值。

TVBS介紹

3. 避免摩擦受傷
壓力褲完全緊貼皮膚,可以避免短褲同皮膚之間嘅摩擦。

4. 保持乾爽
大多數壓力褲都有極佳排汗功能,除非你熱天著條保暖褲啦,熱天跑步做運動,下跨等鬼祟地方都唔會積晒汗水,唔會「醃」親。

5. 靚啲 (喎)
有人話,女仔著壓力褲睇落雙腿會幼啲,美觀啲。不過,「象腿人士」著咗又會唔會自曝其「粗」呢……

講開壓力褲,唔少人會問:「著完壓力褲,面頭使唔使著多條短褲呢?」Er…… 有人著,有人唔著,自己鍾意囉。

更多:
Fitz.hk Facebook專頁
[郁民教室] 水袋發霉點洗?
[郁民教室] 5個練跑前的準備
[郁民教室] 抵抗酷熱練跑7招
[郁民教室] 運動場踏出「第一步」
Fitz Running 跑步