長跑比賽全球停擺，唔少人都牙痛咁聲，唔係爭拗報名費退還問題，就係話訓練多時付諸一炬，努力白白被浪費。地表最強嘅馬拉松選手 Eliud Kipchoge，會唔會因為多項比賽取消，連奧運都要延遲，覺得好失落? 覺得好唔抵?
早前路透社訪問遠在肯雅嘅 Eliud Kipchoge，Kipchoge 憶述佢聽到奧運延期消息時嘅反應係:
「最初嘅都好震驚，但諗下諗下又覺得唔係壞事丫。」
Kipchoge 認為，而家奧運推遲一年，令佢有更多時間準備，以更佳狀態應付比賽。
Eliud Kipchoge 破2 一刻
----- 廣告 Ad -----
對抗疫情比訓練更重要
2019年10月，Kipchoge 以1:59時間完成42.195公里，成為歷來第一人在兩小時完成全馬距離，之後他沒有參加正式比賽。原本 Kipchoge 與埃塞俄比亞 Bekele，呢兩位跑入2:02嘅跑手，會於4月嘅倫敦馬拉松決一死戰，但隨著武肺疫情令賽事延期至10月，Kipchoge 亦錯失證明自己實力機會。
不過，呢位世界最快嘅馬拉松跑手，並無覺得失落，佢始終相信比賽唔係生活唯一嘅事，因為佢仲有家人。Kipchoge 在疫情期間，喺肯雅屋企陪佢嘅太太以及三名子女，得閒睇下書，去農場幫忙，以及處理家務。
「病毒給我們很大打擊，現時我完全專注於整個家庭的安全。」
Kipchoge 相信，只要大家團結一致，絕對可以打敗病毒。
現時他計劃於五月開始回復正規訓練，以應付下半年的比賽以及明年的奧運。
----- 廣告 Ad -----
訪問原文: 路透社
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。