Fitz > 運動 Sports > 跑步 Running > [逆の女] 當逆の女遇上忤逆男 CP1邂逅初戀味道
這群CP男女來自HNR跑步團隊

初戀嘅感覺,你又想起嗎?

講起初戀,就會好自然哼起 “回答我可不可以暫時讓我牽牽手~~”

可惜嘅係,現實往往不似預期。1月5號當朝嘅逆之女CP1補給,除左有正正常常嘅水、運動飲品、攞你命幾百條蕉、餅乾同朱古力外,仲有初戀可樂加初戀 Free Hug。然而,後者嘅補給係完全無人理,「冰凍可樂.初戀感覺」、「新年快樂.初Lunnnnn Free Hug」就好似一浸冷風吹過一樣。

不得不讚嘅係,作為一個女子山賽,大會係每個CP都會提供「零感特薄」比各位有需要嘅女參加者。單單係呢一點就已經加爆分,再加上有我地CP1 帥氣男「臀」座陣,唔洗用M巾都幫你止曬血啦。

 

大家唔好以為「初Lunnnn Free Hug」好變態、好似唔受歡迎咁,但其實發揮相當大作用。有行過港島徑/龍脊嘅大家都應該知道,由龍脊落土地灣一路,大家都會狗衝落去,一落到廁所位置就係馬路,其實真係好危險。我地諗過好多方法點樣確保參加者安全,好多都唔太 work。最後,發現到原來「初Lunnnn Free Hug」係可以令大家即時係大會工作人員前面急停,打消繼續衝前嘅意欲,係一個相當安全嘅做法。

後話

CP入面8個顏值最高嘅 (唔係身高) 型男 (Lawrence唔喺到嘅時候),完成CP1嘅工作之後,諗住去CP4 Support一班女人,為佢地打氣。

呢8位猛男為左「度縮數,度到盡」,決定跑去做 Support,順便練埋LSD。點知未去到CP4做supporter時,已經爆春曬計 (抽筋嘅抽筋,眼瞓嘅仍然眼瞓,RPE直逼10)。途中去到灣仔峽道遊樂場更兵分3路,進行突擊。

最後結果係,Supporter 係無接觸過參加者…… 更加重要既係,參加比賽既8個女人比 Supporter 更早返到終點……

後話嘅後話

點解班忤逆男追極都追唔到班逆之女呢。話說忤逆男仲有16km就跑到去CP4,呢個時候逆之女相距 CP4只淨返9km,佢地一心諗住唔好比班男人追到,就一直加速加速再加速,誓死甩開呢班男人,點知又真係比佢地甩開左。正所謂「好男不與壞女鬥」,我相信經過今役之後,唔會再有 Support 呢回事~~

Lawrence呃like圖

*聞說 tag Lawrence 既 post 就會多like D,唔該 Fitz 幫手tag左再算 (編按:tag9Lawrence,係咪咁?)

HNR 跑步團隊 Facebook 專頁

Fitz連結: https://fitz.hk/?p=111271


更多:
Fitz Facebook專頁
[金沢馬拉松2018] 帶著一些遺憾 令自己走得更高更遠
來一趟畢生難忘的旅行 ─ 沖繩
[揹水一戰2018] 比起獎項 我遇上更重要的事
徐匯宗@Fitz
Fitz Running 跑步


文章為作者意見,不代表Fitz立場。