2020東京奧運仲有唔夠一年開幕，最令人關注係東京盛夏嘅天氣情況。特別係馬拉松呢項要喺街頭嘅耐力競賽，天氣太熱唔單止影響選手表現，更有可能會威脅選手性命。
有關當局於8月2日，即明年女子馬拉松舉行同一日，測出氣溫高達攝氏30度，8月3日更達35.1度，創下今年入夏以來最熱紀錄。
負責監控東京天氣嘅政府部門環境省，自2017年開始，每年夏天都監測東京天氣。經呢兩年嘅觀察，預計出年嘅馬拉松項目，如果於日本時間6點起步，比賽時嘅氣溫可達攝氏30度。當局會喺今年嘅夏天作最後觀測，希望可以制訂更調切嘅措拖，減少天氣因素對比賽影響。
有關措拖，除咗起步時間由朝早7點半改為六點外，當局亦已經喺東京130公里長街道鋪切吸熱物料，令賽路可降低氣溫攝氏8度。主辦單位亦考慮更改比賽規則，例如增加水站的數量。
----- 廣告 Ad -----
資料來源: Kyodo News
Fitz連結: https://fitz.hk/?p=123647
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。