30件在比賽遇到的「爛事」

陳伯講 爛比賽與巷九記，本地唔少比賽都好爛。係又點？遇到呢啲「爛事」，更成就我哋香港跑友「打不還手，罵不還口」嘅堅毅精神！

以下呢30件「爛事」，正係大家東征西討嘅戰績，咩比賽唔好講，各位自行對號入坐啦：

1. 參賽Tee尺碼有問題，選手得物無所用。
2. 比賽紀念品 (如Tee、帽)「側側膊」唔送。(如賽前話缺貨，賽後無咗件事。)
3. 報名費太貴。
4. 報名太快額滿。
5. 行李處理不善，雨天下行李入水，跑友損失慘重。
6. 行李存放指示不清，延誤參加者起步。
7. 領取行李安排混亂，嚴重者長達一粒鐘。
8. 水站無水派，選手要乾煎。
9. 預定補給站突然消失，或採取空成計。(以山賽為甚)
10. 補給站未夠鐘提早收檔。
11. 補給站食物不足，或配備差劣，如有杯麵但無熱水。
12. 賽道安排混亂，跑幾多個圈無人知。
13. 賽道有閒雜人等進出，影響跑手比賽，甚至導致意外。
14. 賽道缺乏里數指示牌，跑咗幾多要靠自己GPS。
15. 臨時更改賽道。(或有公布但選手未必清楚。)
16. 賽道里數不足。 (10K變8K)
17. 賽道里數過長。 (21K變27K)
18. 賽道太窄，選手眾多，行多過跑。
19. 太多組別在短時間起步，賽道塞車嚴重。
20. 起點無鳴槍，無廣播，起步無人知。
21. 起點無故延遲，選手無起點呆等。
22. 起點混亂，慢腳都可以進入精英起步區。
23. 終點安排混亂，跑完唔知去邊到拎水飲。
24. 完賽後的安排失當，最高記錄等足成粒鐘拎隻蕉拎樽水。
25. 完賽補給差，未能令選手即時補充所需。
26. 完賽牌手工差，或有缺陷。
27. 證書顯示的時間不真確。
28. 賽事負責人走佬，Facebook無得留言，投訴無人理。
29. 頒錯獎項，冠軍反而無得上凸台。
30. 比賽大會完賽後胡亂棄置物資，選手成為破壞環境幫兇。

跑季就快結束，幾個月之後，大家忘記過去，又再次開開心心一窩蜂去塞爆各條比賽賽道啦！

更多：
Fitz.hk Facebook專頁
爛比賽與巷九記
除咗跑步，你仲有咩興趣?
Fitz Running 跑步