日前美國肯塔基州一個網紅家庭，父母同6名子女一齊參加當地一場馬拉松。本來呢件事相當溫馨美滿，不過家庭中有個6歲歲囝囝比賽，就引起唔少爭議。
爸爸 Ben 事後向公眾解釋，佢呢名囝囝 Rainier 好想參賽，大概每跑3分鐘左右會休息一次。而 Rainier 一直表現出頑強鬥志，佢只有遵從囝囝個人意願。結果一家八口喺賽道上共同進退，最後以8小時36分完賽。
結果新聞出街後，唔少人指責 Ben 一家行為，好多人指細路發育未完成，長跑對身體有害，例如腿部發育未完成，會對膝頭構成沉重壓力。
在 Instagram 查看這則貼文
不少馬拉松賽事有年齡限制
波士頓兒童醫院醫生 Lyle Micheli
----- 廣告 Ad -----
多數正規馬拉松賽事，都設有年齡限制。世界馬拉松比賽嘅殿堂「波士頓馬拉松」，至今仍然堅持將年齡下限定於18歲。波士頓兒童醫院醫生 Lyle Micheli 向傳媒指，雖然近年不斷有人要求放寬限制，不過佢哋「寸步不讓」，因為:
- 青少年發育情況常有差異，有啲女仔會喺14歲完成發育過程，有啲可能要到18歲。將參加馬拉松嘅年齡降低，可能會令發育中嘅兒童，進行一啲唔適合佢哋嘅運動
- 發育未完成嘅兒童，腳長比例會較短，跑動嘅衝擊比成年人更大，對膝部以至中樞神經有不良影響
呢位代表波馬嘅醫生強調，小朋友做運動要按步就班，佢仲話:「未夠16歲，唔應該跑多過10公里!」
在 Instagram 查看這則貼文
至於香港渣打馬拉松，全馬嘅年齡限制係20歲，半馬同10公里就要求參加者年滿16歲。
----- 廣告 Ad -----
雖然話未有明確切證據，證明長跑運動影響發育中兒童，但如果有風險，點解要搏?
永誠
講求綠色、環保、天然的健康生活。推廣新一代健康生活文化。