Nike+ Run Club教練雷德怡，強調耐力係跑步運動嘅必備條件！無咗耐力，亦唔可以到達速度嘅追求！所以，佢建議跑手喺訓練時，亦要有針對鍛鍊耐力，而最直接提升耐力嘅方法，就係「長距離訓練」，即係俗稱嘅「長課」。
雷教練講嘅「長課」，可以概括為3大原則，5大重點：
3大原則：長時間、慢速度，以及遠距離。
長時間：唔應該追求速度，目的係要拉長訓練時間，畀身體同肌力可以熟悉長時間運動嘅狀態。而呢一課通常安排喺假期或周末。
慢速度：長課要盡量輕鬆，速度唔需要快。具體講，應該要做到邊跑邊講嘢嘅狀態。慢速訓練，可提高心肺耐力，帶走乳酸，甚至燃燒脂肪！同時，亦記住維持均速，時快時慢會達唔到長課目的。
遠距離：長距離嘅跑步訓練，可以令自己了解身體嘅表現，甚至可令自己預計可能會出現嘅問題（如抽筋、撞牆），令自己可以適整比賽嘅步速。雷教練強調，訓練時要跑幾遠，其實無必然答案。大致而言，跑10公里賽可練8至9公里，甚至10至12公里；半馬跑手嘅長課可達15至18公里；而全馬參加者應該練下30至35公里長課。
5項重點：
練長課嘅同時，亦可以留意自己嘅跑姿。其中，最基本係背部要維持筆直，因為腰部下墜會阻礙呼吸。
嘗試唔同嘅路面、斜度，甚至係天氣嘅變化。到比賽時更有適應能力。
切勿急進，每星期訓練里數可慢慢增加，不過唔好一下子大幅增加。大致上，呢個星期練幾多里數，下個星期最多只可以加10%。
大家可參考Nike+ Run Club App內嘅My Coach訓練計劃，可因應跑手能力調整訓練量。
跑步嘅同時，亦可作適量嘅肌力鍛鍊，令訓練更全面。
雷教練補充，既然長課以輕鬆步伐操練，其實亦可平日減輕生活上嘅精神壓力。而想知多啲操練上嘅貼士，立即登入 https://goo.gl/zC3EJE。
Nike為2017年渣打馬拉松賽事指定獨家運動用品贊助商
本文內容由 Nike+ Run Club 提供
[Nike+ Run Club．話你知] 3條問題 助你挑選完美跑鞋
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
