Hea 左幾個月………賽季又要開始了!

Off Season 左一排,連文都 off。數埋成2-3個月無出文了……haha。一來係自己懶,二來自己係上季玩完 STY 番來之後,都為自已定左一啲目標,希望今年可以達到。所以襯呢2-3個月既「休漁期」去休息下,RE-fresh下自己之外,同時亦去專心做一啲增值既野,去裝備下自己 ~ 走左去讀長跑教練班!

Off Season: Training plan + 休息 + 保持 + 增值

一直係我自己既格言,你準備工夫失敗,就準備迎接失敗. By: Roy Keane(係….利申: 曼)

係教練班,學到如果想要有一個令自己滿意既賽季,就一定要為自已定下一個清晰既目標!

而點樣去實踐? 點樣去做? 唔係就咁同自己講今日跑10km,聽日跑20km………!

最好既方法……use your pen and write it down! 而定下一個整季既 Training Plan 係必須的,

從教練班學到…….要為自己既目標去定下一個 Training plan Ref: AASFP LDI course

而適當既休息正是在準備期及比賽期 (高峰期) 之前既重要一期,因為經個一季的比賽,博殺,PB…….不論體力,肌肉,心靈….等等既消耗都好大! 而休息係一個重要既緩衝,去讓身體回復及重新儲備能量,同時亦可減少受傷既機會!

休息


再強既跑手都要休息,就算強如 Kilian ,François…都要休息. 相信無一個跑手可以一年365日可以一直維持顛峰狀態…呢個「阿媽係女人」既道理好多人都明。所以適當既休息係好重要!

當年細個,我既夢想係一個足球員……laughed!

而休息既方法,個個不同……..動態方面,我自己都會做下其他運動,e.g. 踢下波! 令自己間中都「餓下山」,令自己對個山保持著「新鮮感」。 靜態方面,陪下另一半 (之前個個星期都操山,係時候交下人儲定 quota 啦!) ,約下朋友,去下旅行……呢啲唔多講!

off season….試下停下來享受下山徑既美景

保持狀態

休息之餘,適量動態活動都係需要,如果唔係就真係休息變「散功」! 而保持狀態既方法,都主要係一啲低強度既運動,行下 hea 山,郊遊下,explore下新路線……… (重點!) 試下係山徑停下來,欣賞一下風景,唔好理你手上隻 Suunto,Garmin 做緊乜野 pace,乜野里數……just Enjoy the trail!

Tom 練習好少帶錶….有原因

呢一樣野,我係 Tom Robertshaw 身上學到,佢練習好少帶錶,佢分享,係輕鬆練習既時候,有時只要 Listen to your body,用自己舒服既 pace 跑,唔好俾手錶既數字影響自己,而家唔係比賽,off season 係應該 hea 下……! (haha. 當然同佢練,佢既 hea 對我來講一D 都唔 hea )

In Learning you will teach,and in teaching you will learn.

增值

今季自己都定左幾個目標,其中一個係要點樣好好利用 off season 既時間去增值自己. 而係呢段期間亦好有得著,學左好多野,因為要進步唔係只係9 跑9 練………其實仲有好多學問。

賽季又要開始了! 你又準備成點?

Fitz 連結: https://fitz.hk/?p=98919


更多:
Fitz Facebook專頁
[逆轉反勝] 與 Salomon 神人們玩接力
[HK100賽後感] 有種福氣叫「食得跑得」
[有毒慎入] 識玩,一定要帶女友去玩呢個 (前篇)
[怯~你就輸了!] 一對踏上大賽頒獎台的地球人
壞人 [email protected]
Fitz Running 跑步

廣告
壞人Ryan
八十後,現職某大型連鎖店之營運經理,自2011 首次參與毅行者後,漸漸愛上越野跑。參加過大大小小之香港路賽,山賽 (凡人一名)。講究裝備,正宗『裝備L』 一名。 堅持屎波都要架生多。同時亦熱愛足球, 死忠曼聯迷。