疫情之下，長跑愛好者想站在起跑線並唔容易，全球各大賽事唔係只限精英參加，就係變做虛擬跑。南韓最近就舉行咗一場，聲稱「全球首創」嘅「無接觸實體長跑賽」。
比賽方式
呢個比賽係首爾馬拉松嘅一部份，叫 Seoul Marathon Untact Race，於首爾綜合運動場舉行。大會為咗減少病毒傳播，採取一系統監控措施:
- 比賽名額限制於800人
- 賽事於10月24及25日，分兩日進行
- 800名選手分為10組，每組80人，在不同時間起步
- 於兩個運動場設置比賽路線
- 賽事在分別於1號、4號與7號跑道進行，避免選手距離太近
- 只設10公里賽事，跑8個圈
- 參加者在出賽前作病毒檢測，以及在比賽時佩戴口罩
或許跑友都餓跑已久，賽事相當受歡迎，結果主辦大會要從6次虛擬跑活動中，再揀選參加者。有成功完成呢場「無接觸」嘅選手話，疫情期間只能參加虛擬跑活動，而家終於可以同其他人一齊比賽，相當興奮。
----- 廣告 Ad -----
大會就話呢個新嘗試係無辦法之中嘅辦法，佢哋好希望疫情盡早過去，可以搞一場正常嘅比賽。
資料: 東亞日報
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。