台灣爆疫情令長跑賽事相繼取消

台灣疫情急劇變化，星期三 (5月13日) 新增21宗確診，其中16宗係為本土案例，更有3宗源頭不明。台灣當局已加強防疫措施，由即日至6月8日，暫停室外500人以上、室內100人以上嘅集會活動。基於相關措施，多項長跑活動已告取消。

其中於5月16日舉行嘅台北故宮「南院馬拉松」已宣佈取消，未來應該尚有多場賽事需要取消或改期。此外，電影《玩命關頭》系列 (The Fast and the Furious，港譯《狂野時速》) 嘅「馬拉松」放映活動亦要取消。

大陸取消賽事

與此同時，大陸寧夏回族自治區嘅銀川市，亦發現一宗由上海傳入嘅確診個案。當局隨即啟動防疫措施，月底舉行嘅「2021 絲綢之路．寧夏．銀川馬拉松賽」已宣佈改期。

台灣同大陸都因為疫情而取消賽事，香港嘅比賽睇怕更難以舉行了。

資料: 台灣蘋果日報、新浪網