陝西省寶雞市上周舉行「寶雞·陳倉國際馬拉松」，可謂「地表最熱」馬拉松。起步時間8點半，市區氣溫已高達32度。賽事開始之後，大會持續監控地面氣溫，發現部份賽道路段竟然高達72度，加上已經發生多個運動員中暑，賽會在起跑後4小時，宣告比賽腰斬。
有關方面只係報告腰斬比賽通知，並無提及中暑或受傷人數。不過呢場比賽一共三個項目，合共10,000位參者 (全馬2,000人; 半馬4,000人; 5公里4,000人)，加上報名費只係150人民幣，估計參加者眾。喺咁嘅天氣之下跑步，都幾難令人相信無人中暑。
經過呢場比賽之後，中國田協亦十分重視事件，發出公告指引各個比賽要留意天氣情況。
雖則話有人鍾意跑熱馬，不過熱成咁，就真係唔好搵命搏!
賽道都有灑水系統，不過七十幾度高溫，啲水會唔係變咗熱水?
----- 廣告 Ad -----
資料來源: 新浪網
Fitz連結: https://fitz.hk/?p=120661
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。