外媒專業分析湯告魯斯跑姿 | 兩大優點媲美職業運動員

有人計過，湯告魯斯喺《職業特工隊: 死亡清算上集》中，一共跑咗超過1,000英尺，係佢從演以來最高紀錄。Rotten Tomatoes 更做過統計，靚佬湯越跑得多電影越收得。

Tom Cruise 跑步已成為佢電影指定動作，美國體育網站《Balanced Runner》搵來專業跑步教練分析其跑姿，發現有兩大優點，足以媲美職業運動員，值得大家學習。

1. 核心穩定

教練以《職業特工隊：鬼影約章》為例，話佢喺戲入面嗰個跑步場面，既要快速跑動，亦有急速轉向、急停、避人等動作，若非核心穩定的話，難以駕馭這些動作。

2. 雙臂擺動有力

跑步除了是腿部運動，亦講求雙臂協調。Tom Cruise 在跑步時維持雙臂收攏、穩定擺動。文章作者形容他做出短跑運動員的姿勢，跑動時甚有效率。

文章亦有提及，Tom Cruise 全速奔跑時，雙腳有外傾情況，顯示下背肌肉可能過緊，有需要處理一下。

值得一提，Tom Cruise 明言在電影動作場面都要親身上陣，絕不使用替身，能夠做出這些動作，顯示他經過長期訓練。