山東馬拉松大會賽前短訊搞錯起步日期 | 及時修正選手虛驚一場

記錯比賽起步時間，相信大家都試過。不過如果係大會記錯日子呢? 咁就真係大件事! 6月17日星期六，山東煙台舉行「金沙灘星空馬拉松」，主辦大會相當貼心，喺比賽前幾星期發短訊提醒參加者。不過好錯唔錯，內文竟然將比賽日子寫成係6月23日 (星期五)。

有選手因為已經預訂酒店，所以害怕改期而導致金錢損失。之後主辦大會發現錯誤，即時發出短訊澄清，但已經令唔少選手嚇驚飽，紛紛去官網留言表達不滿。

其實連比賽日子都搞錯，確實令人擔心正式比賽時有無更大嘅蝦碌。

資料: 搜狐