[武漢肺炎] KOL齊指日本疫情可怕 名古屋女子馬前景悲觀

呢兩日日本疫情變化多端，更新都嚟唔切，每一單消息表面上無乜關係，但又好似環環緊扣，大家不如睇睇先:

• 截至2月17日，日本共有66宗確診個案，1人死亡。不包括被隔離於海上的郵輪鑽石公主號。
• 日本厚生勞動大臣加藤勝信，指多名病人感染來源不明，話會盡快制訂新政策，加緊防疫措施 (即係承認早前有所不足)。

中國境外最多人確診的地方: 停泊在日本海面的鑽石公主號

• 東京馬拉松於17日上午宣佈，3月1日的比賽只限200位精英選手參加。公眾參加者不能參賽，名額保留至明年賽事，但不設退款，出年報名要交多次報名費。(ROC 應該要發出賀電?)

• 上星期，東京千葉縣一名男子患病，於社交平台發文，話佢喺2月2日開始發燒，不過因為佢係小職員，唔敢向公司請病假，繼續返工，仲加班到10點。佢曾經去過醫院求診，但醫院為保名聲多番拒絕為佢檢測，最後到2月13日先至正式確診。
• 呢幾日開始有日本右翼份子批評政府防疫反應太慢，唔盡早全面封關 (現時只係對疫區到訪旅行進行防疫檢查)。
• 日本政府近日先開始搵當地企業 Denka 開發快速測試劑，以應付未來需要。
• 東京奧運本年7月舉行，奧組委於上星期仍然態度堅決，話奧運會唔會受到任何影響，將會如期舉行，仲話「no plan B」，無其他選項，一定要搞得成!

KOL齊聲控訴

香港: 大J

本地 Youtuber Jason (大J) 近日去到日本直擊口罩供求情況。佢去到東京近郊一個住宅區，發現當地防疫工作相當鬆散。

大J並且喺佢嘅 Facebook 指:

旅日台灣人: 歐陽靖

圖: 歐陽靖・裏東京生存記

未婚夫係日本人嘅台灣跑女歐陽靖，二月開始到日本暫住，佢每日喺Facebook報道日本嘅疫情，嚴厲批評於日本人嘅防疫意識低，政府嘅防疫工作亂。佢特別提醒台灣民眾，唔好似為日本人好整潔同有規距，佢對日本疫情極為擔心。

日本政府對疫情的輕忽的確令人擔憂⋯甚至是有點扯⋯這也是為什麼我想把實際狀況告訴大家，只希望台灣朋友赴日旅遊時不要掉以輕心。

台灣的防疫真的做得比較好。
安倍政府真的很糟糕。

台灣: 吳淡如

台灣阿姐級主持人吳淡如 (指年紀)，於二月初到訪日本，並同話join咗「一個關西機場的馬拉松」。佢去到東京，發現當地人防疫意識唔似得台灣，嚇到佢棄賽。佢話由東京去賽區要坐6個鐘頭車，最後佢只係喺東京街頭隊咗21公里收工 (分兩日)。

名古屋難逃一劫?

當幾萬人東京馬拉松變為200人作賽，同樣係IAAF白金級賽事，於3月底舉行嘅名古屋女子馬拉松，暫時仲未有最新公佈。不過，唔少人都預期，賽事可以順利舉行嘅機會相當細。就算如期舉行，都應該要縮細比賽規模，例如好似台灣萬金石馬拉松咁，拒絕中港澳選手參賽；又或者一如東京馬拉松只限精英選手參加。

箇中原因，除咗為咗要對抗疫症外，相信有關方面希望喺東京奧運舉行之前，確保疫情唔會變得更差。畢竟，奧運始終喺日本呢十幾廿年嚟一件萬眾期待嘅活動，不容有失。

資料: 香港01、Nikkei、聯合新聞網、TVBS