中國又再發生戴口罩跑步猝死意外，武漢一位朝早跑步嘅男子突然暈低，經搶救後不治。
大陸傳媒消息指，5月4日早上於武昌江灘月亮灣，一名年約40歲男子跑步時突然暈低，救援人員到場急救，可惜搶救無效。暫時仲未知道佢嘅死亡原因，不過有人話，當時公園氣溫接近30度，而呢位男子跑步時戴住口罩，而且之前一晚又飲過酒，所以估計佢天氣熱及戴住口罩跑步有關。
學校體育堂唔使戴口罩
事實上，早前有至少兩名小學生於體育課戴口罩跑步時猝死，中國有關方面對於戴口罩跑步開始有新措施。湖南、貴州等省份，已叫停學生戴口罩上體育堂嘅措施。
----- 廣告 Ad -----
今次再發生猝死事件，亦令唔少人關注運動安全問題，例如做運動前要做充足熱身，運動時留意自己身體狀況等。
資料: 新浪網
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。