《健力士世界紀錄》日前宣佈新紀錄，法國消防員 Jonathan Vero 以17秒刷新「全身著火不戴氧氣罩完成100米」紀錄，比前紀錄快超過7秒。
Jonathan 跑完100米之後並無停步，並且以272.25米刷新「沒有氧氣奔跑的最長距離世界紀錄」。
《健力士世界紀錄》透露，由2009年開始有人以「全身燃燒跑步」去創造紀錄，結果14年來呢項紀錄一共被刷新7次，證實火同跑步係一個受歡迎嘅組合。
Jonathan 係全職消防員，亦係兼職特技演員，佢從小對火焰充滿好奇，所以一直希望可以創造呢項紀錄。Jonathan 前後用咗三個月訓練耐力、爆發力及呼吸，終於喺家鄉嘅田徑場，著住平時返工嘅防火衣刷新紀錄。
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。