5月21日舉行的美國布魯克林半馬 (Brooklyn Half Marathon) 發生致命事故，32歲心理治療師 David Reichman，衝線後體力不支倒地，送到醫院搶救宣告不治。
受到疫情影響，該場比賽停辦兩年後復賽，共有2萬2千人參賽。不過天公不造美，當日對紐約市居民是「酷熱」的日子，比賽時溫度達華氏70度 (約攝氏21度)，濕度有83%。結果除了死者 David Reichman，另有15人因身體不適送院。
天氣情況因人而異
對我哋居住喺亞熱帶嘅人嚟講，攝氏21度絕對唔係「酷熱」天氣。不過當日濕度高達83%，似乎成為唔少人障礙。此外，唔同地區嘅人對天氣適應情況都有不同，亦即係話攝氏10度對北方可能係好天氣，但唔少香港人就會覺得好凍。
此外亦有人認為，疫情下比賽大減，更少機會去做運動。當比賽復辦，參加者未必有足夠訓練達到比賽狀態，於是發生意外。
所以，久休後出賽嘅話，就更需要比賽時留有一手，唔好搏盡。同時要注意熱身及補給，以維持身體良好狀態。
----- 廣告 Ad -----
作者按: 網上有言論針對死者跑出 1:40:53 大造文章，話因為佢跑得太快而體力不支 (平均配速約 4:30)。筆者唔知呢啲網民有幾認識死者，不過用比賽時間去判斷意外成因，似乎有點武斷。如果話跑得快會出事嘅話，咁 Eliud Kipchoge 一生人死幾多次呢?
資料: New York Post
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。