[臺中城市半程馬拉松2017] 用雙腳感受臺中

作者按：趁係酒店稍歇梳洗既時間，趁仍記憶猶新來分享一下今天（10月29日）第二屆臺中城市半程馬拉松的情況。事先講明，我只參加了半馬賽，我呢篇分享都只能夠記錄我係半馬賽中所曾經歷的情況，恕我未能以全面、立體、內外的角度地描述各賽道及時間所發生的事情。如果你因此不滿，請在此止步。

話說此半馬賽事係今日早上6點開跑，因為海外跑手的關係，跑手包只能係今日早上5點係現場拎取 (台灣跑手在上星期以郵寄方式送到跑手手上)。於是今天凌晨3點45起身，梳洗及簡單食了點麵包就由酒店出發步行大約15-20分鐘到臺中市政府 (會場)。早天氣大約二十度左右，跑是就二十四五度，幸好有時有風，都不至於太熱。到達會場已經有很多跑手，今個賽事分5公里 (不計時)、10公里及半馬。最早起跑的是半馬，各組別之間起跑時間相距10分鐘。

整個賽道都是在臺中市內街道，主要會經過住宅區、國家歌劇院，不需要係架空道路上跑，是真的讓跑手可以用雙腳去漫步臺中的街道，不過比較特別的是賽道中某些位置可能需要跑手停下來等候過馬路。因為封路只了跑手會跑的街道，但有些十字口位是與其他道路連接，那如果就有可能需要停下來讓車先過，當然是有工作人員及交通警在場指示跑手。

之前跑過台北的 Nike 女子半馬，當時就很喜歡賽道上的標語，例如快到終點前一公里有個標誌類似寫著 “刷卡時都沒腳軟，不是現在腳軟吧”。今次也一樣，賽道上有著不同的標誌，我都忍不住影低。每個補給站 (即水站) 都有小食 (有時是香蕉、車厘茄、泡芙、梨、餅)、水及舒跑 (能量飲品) 供應，有些補給站仲有一碟鹽，也有補給站供應台灣啤酒。賽道上打氣的人不多，但都見到有一兩隊啦啦隊及公仔在路邊打氣。

賽後有水、完賽獎牌、完賽毛巾、還有即場列印的成績証書 (還用File裝好才給你)。而賽事晶片在報名是加收了 NT$100 的按金，賽後只要你歸還晶片你可以即場選擇用來換相應的禮物，如鞋袋、襪+索袋、跑步腰包，如果都唔岩心水都可以選擇退回 NT$100。

唯一的小插曲是原本在報名是加購的活動紀錄盃卻因為寫錯了別人姓名因而要等候補發。

如果有興趣來臺中旅行兼跑步，可以考慮一下呢個賽事，我知道今日同一日係日月潭都有賽事，但我唔想去咁遠，而臺中呢個比賽絕對唔錯。