你嘅小朋友係咪每年暑假都要從頭學一次游水? 每年暑假明明學識咗，但一年後又唔記得點游，浪費好多個暑假嘅時間及金錢，最後經過兩三年都好似學唔好游水?
何巴巴今次想幫你解決呢個「年年暑假都唔記得咗點游」嘅千古難題! 解釋一下當中小朋友學游水嘅幾個階段。
基本上5歲或以上嘅小朋友，學游水嘅速度，會相對2-4歲嘅小朋友為快，一嚟由於佢地理解能力較高，二嚟佢地嘅手仔腳仔協調性都進步咗；但係當一段長時間停咗冇游，技巧就好自然咁慢慢退步。
就以何巴巴5歲囡囡為例，上年佢已經學到浮體同郁手郁腳啦，但今次落水，就連閉氣都未做到，咁我地作為教練或者家長，又可以點樣處理呢? 以下短片由筆者與囡囡現身說法，講出解決方法。
----- 廣告 Ad -----
最關鍵問題，係為小朋友建立自信心，只要對症下藥，就可以解決問題。
何巴巴何教練
何巴巴，原名何文豐。多次代表學校參與校際及公開賽屢獲佳績，主式為背泳及蝶式；並在16歲時晉身香港三項鐵人青年軍代表隊，出戰亞洲區不同組別的鐵人比賽。
由於是運動員出身，早期曾主力擔任泳會及校隊的教練，負責編製操練計劃，改良競賽運動員的泳式動作；及後，因為更希望投身初學游泳者教育工作，便毅然轉為游泳教練，針對初學者的常見困難，研究出一套較容易上手的學習方法，讓小朋友以至成人及長者，都能盡快學懂游泳並享受它的樂趣。
於2015年，在誕下女兒之後，更加享受教育小朋友游泳，所以設立何巴巴專頁，目標希望更多小朋友、成人、競賽泳員，能夠接觸到用心教學的游泳教練；游泳教學已達20個年頭，學生人數逾500人。