Fitz > 運動 Sports > 游泳 Swimming > 停課後小朋友唔記得點游水? 游泳教練分享解決方法

你嘅小朋友係咪每年暑假都要從頭學一次游水? 每年暑假明明學識咗,但一年後又唔記得點游,浪費好多個暑假嘅時間及金錢,最後經過兩三年都好似學唔好游水?

何巴巴今次想幫你解決呢個「年年暑假都唔記得咗點游」嘅千古難題! 解釋一下當中小朋友學游水嘅幾個階段。

基本上5歲或以上嘅小朋友,學游水嘅速度,會相對2-4歲嘅小朋友為快,一嚟由於佢地理解能力較高,二嚟佢地嘅手仔腳仔協調性都進步咗;但係當一段長時間停咗冇游,技巧就好自然咁慢慢退步。

就以何巴巴5歲囡囡為例,上年佢已經學到浮體同郁手郁腳啦,但今次落水,就連閉氣都未做到,咁我地作為教練或者家長,又可以點樣處理呢? 以下短片由筆者與囡囡現身說法,講出解決方法。

最關鍵問題,係為小朋友建立自信心,只要對症下藥,就可以解決問題。

何巴巴游泳池 Facebook 專頁


文章為作者意見,不代表Fitz立場。