開放不足一星期嘅大埔龍尾泳灘，早前有救生員指已有超過100名泳客被海膽、水母等海洋生物整傷。康文署回覆傳媒查詢證實問題，表示星期六 (26日) 因被海膽及水母輕微刺傷的個案分別為42宗及21宗。
康文署話，63宗受傷個案都屬輕傷，並強調海灘有海洋生物屬大自然現象，泳灘員工會監察水面情況，會將「危險物」移離泳灘範圍。
不過，港九拯溺員工會指，龍尾泳灘獲康文署分派10名救生員，如果扣除員工放假，每日只有大約7人當值。當員工放食飯、午休時，泳灘只有4至5人當值。當值人員要負責拯溺、海面監察、以至急救等工作，絕對係人手不足。
有大埔居民於 大埔 TAI PO Facebook 群組 分享相片，顯示海面有大堆水母。
泳客: 人多車多水母多
有 Fitz 讀者星期日 (27日) 去龍尾泳灘游水，向我哋分享見聞:
- 水質雖比屯門泳灘好少少，但比石澳差
- 由大埔坐車入，汀角路嚴重擠塞，塞車好耐先入到
- 海面有大量水母，沙灘有大量海膽，逗留一個下晝，見到有小朋友被海膽刺傷
- 泳灘一帶違例泊車十分嚴重，人車爭路
斥資達2億
大埔龍尾泳灘為香港人工泳灘，原本係一個有逾400種物種嘅重要保育海岸，海底佈各種海星。唔少保育團體指，於龍尾興建泳灘，會扼殺物種生存空間。事實證明，泳灘興建後物種數量及種類已大幅減少。
如今泳客被水母及海膽整傷，唔應該話呢啲海洋生物襲擊人類，而係人類侵佔海洋生物領地而已。
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
