Fitz > 運動 Sports > 三項鐵人 Triathlon > 十個關於三鐵的問題

 

成日有人問我點解玩三鐵,三鐵有乜咁好玩?三鐵其實係乜鬼?點玩法?點乜乜點物物?查實呢,本人只係一兜業餘過業餘嘅運動員而並非專業人仕,但既然咁多朋友問,我不如東施效顰學蔡東豪先生一次過自問自答!

十個關於三鐵的問題!!%e5%8d%81%e5%80%8b%e9%97%9c%e6%96%bc%e4%b8%89%e9%90%b5%e7%9a%84%e5%95%8f%e9%a1%8c_011. 三鐵係邊三鐵?每樣搞幾耐?
三鐵係包括 游泳,單車同跑步!每樣搞幾耐要睇下您玩邊個長度嘅比賽!基本上分類如下:

Sprint 半奧運長度 25.75km : 游泳0.75km、自行車20km、路跑5km
Olympic 奧運長度 51.5km : 游泳 1.5km、自行車40km、路跑10km
Half Iron 半程鐵人 113km : 游泳 1.9km、自行車90km、路跑21.1km
Ironman 全程鐵人 226km : 游泳 3.8km、自行車180km、路跑42.2km

至於完成時間就因人因賽事而異,兩個零鐘至十幾個鐘各安天命!

2. 游水要全程自由式?單車一定要用公路車?跑步真係要跑足全程?
游水 基本上你只要喺限時之內完成賽程,無人理您用自由式蛙式狗仔式定背泳,我亦喺比賽中真係見過有人游游下無啦啦游幾下蝶式,原因不詳!

單車 通常 Race Guide 裡面都只講要用兩個轆嘅車,間唔中亦真係見到有人用 MTB 落塲,尤其是每年嘅時時食三鐵比賽,真係摺車,Fat Boy 乜車都有!

跑步 要知道經過前面兩項之後,一般都會開始倦,所以的確經常見到有人喺最後一項會跑下行下,行下又跑下!但我自己就會儘力跑足全程,頂多有時會慢跑!%e5%8d%81%e5%80%8b%e9%97%9c%e6%96%bc%e4%b8%89%e9%90%b5%e7%9a%84%e5%95%8f%e9%a1%8c_023. 我見你哋比賽,特別係最後跑步時個個都乸埋口面,個樣鬼咁痛苦,點解仲要參加?
埋口面可能因為好熱,好倦,好口渴,好肚餓,肌肉好酸疼,甚至好急屎!但通過辛苦嘅過程,憑意志憑毅力去完成一件事,箇中快感確實筆墨,文字難以形容!完成一次三鐵比賽絕對有講唔出嘅興奮,因為,您克服咗一件大部份人都唔敢克服嘅難事!

4. 點解我見你踩單車同跑步嗰時好似好慢咁嘅?咁慢做乜仲要參加?
比賽裡面有少部份人爭名次,大部份人享受比賽,本人目標係不斷進步好過上一次!我跑得最快同最精神就係見到終點同見到人影相果陣!愛因斯坦講過凡事係相對嘅,我喺比賽裡面慢過前面好多人,但其實相對我亦快過後面好多人!又再相對,我又其實快過更多更多只係坐喺度唔郁嘅人,包括你您妳!%e5%8d%81%e5%80%8b%e9%97%9c%e6%96%bc%e4%b8%89%e9%90%b5%e7%9a%84%e5%95%8f%e9%a1%8c_035. 你試過贏冠亞季軍未?
未!亦可能唔會有機會有得贏!我四十尾先開始玩三鐵練三鐵,幾乎係好多人喺運動比賽上榮休嘅年齡,但我會繼續比賽,繼續超越自己嘅成績。可能到去到五十六至六十歲組別,我有機會有名次,所以之前嘅,我當係 Training !低九能?係㗎,我成世精明,臨老低九能又何妨?而且,我係開心地低九能!

6. 練車練水練跑,練親兩三四五個鐘,悶唔悶?
其實任何動作重覆練習都有可能會悶,所以最好有同伴一齊練,吹下水互相寸下嘴交換下心得時間容易過好多!但我基本上係一個好懂得自得其樂嘅人,頭在水裡面望住池底條線游幾十個塘我可以冥想,騎在車上彎腰俯身雙腿周而復始運轉幾十公里我可以思考問題,諗 Layout,跑步時我會自言自語自哼自唱欣賞風景同埋如果有嘅,「目及」女!我唔會悶!%e5%8d%81%e5%80%8b%e9%97%9c%e6%96%bc%e4%b8%89%e9%90%b5%e7%9a%84%e5%95%8f%e9%a1%8c_047. 我唔識游水,唔識踩單車,可唔可以參加?
Nike Founder Mr. Bill Bowerman 有句名句 ” If you have a body, You are an Athlete . ” ,地球上應該無人生出嚟就識游水識踩單車,但人類有一樣最優越嘅技能叫 : 學習!我哋團隊裡面有好幾多位院友都係由落兒童池怕浸死,唔識踩單車怕跌死,用半年時間有系統咁去學習,練習到完成一個 113 賽事!而事後依然生還而四肢齊全!

8. 玩三鐵係咪好貴?
游水您只需要一件泳衣或者一條泳褲加一副泳鏡。跑步您只需要一對好少少嘅跑步鞋。最貴嘅係單車!

But,正如食飽個肚一樣,一碗車仔麵一碟叉燒飯加例湯可以食飽,福臨門家傳七福國金軒四頭鮑東星班加官燕糖水亦可以食飽,豐儉由人!單車亦一樣,有人踩幾千銀架車有人對軨都皮幾兩皮,但皮幾兩皮對軨架十皮八皮架車唔一定快過幾千銀架車,車固然重要但踩車嗰個更重要!有位人稱 R sir 嘅人物周不時踩架鐵車贏鬼晒人哋啲碳纖車!所以車唔勁,人勁絕對補番數!%e5%8d%81%e5%80%8b%e9%97%9c%e6%96%bc%e4%b8%89%e9%90%b5%e7%9a%84%e5%95%8f%e9%a1%8c_059. 你咁練法,會唔會好傷關節?傷膝頭?老咗點?
點只關節?點只膝頭?仲有頸仲有全身肌肉,手踭腳㬹手指腳趾都可能因為長期操練受傷,但除非因爲抄車或者跑跑下仆街,否則大部份傷患都係因為疲倦勞損所致,訓下抖下瑪沙珠下就無事!至於老咗點算?妖,我咪已經老咗囉,仲再老啲?仲再老啲我都仲玩到三鐵,當贏咗啦仲算乜鬼?

10. 你年過半百有突,做埋啲咁劇烈嘅運動,有無危險?爲乜?
任何運動都有危險,但唔做運動唔等於長命百歲,就算閉門家中坐,都會禍從天上來!至於年齡只係一個數字,我慶幸我四十尾先至無啦啦愛上三鐵,因為操練三鐵需要耐心,毅力同恆心而唔係後生時仔時嘅死衝爛衝!但人老咗會固執,固執令我死心眼去鍛練,我又無諗住贏晒人哋,但起碼唔會輸俾自己!至於爲乜?由操練,準備比賽,比賽,回味比賽整個過程都令我 Enjoy ,仲需要諗爲乜咩?

以上純粹個人見解,不喜勿插!%e5%8d%81%e5%80%8b%e9%97%9c%e6%96%bc%e4%b8%89%e9%90%b5%e7%9a%84%e5%95%8f%e9%a1%8c_06


文章為作者意見,不代表Fitz立場。