今年係我第一年約埋幾個瑜伽導師朋友參加 IRIS 大型健康節 (我知我有點兒out),點解我咁遲先知道呢? 我都唔知。但如果舊年我喺香港,我應該都會參加呀。所以今次我只可以作為首次參加嘅入場者去分析一下呢個活動究竟值唔值得去。

戶外瑜伽課堂感受

首先點解我會被吸引去呢個活動呢,好大程度上,係因為有些熟悉的導師面孔,知道他們有著深厚嘅經驗,諗住學習下。但呢個諗法,好快就證明係同想象有出入。其實唔關人事,係我無考慮到,地方咁大,咁多人,導師可以控制場面,但未必會有好多嘢俾你學,因為最最最珍貴嘅教學,其實係老師同學生嘅關係。特別係 acroyoga, 台上示範完雙人瑜伽的難度動作,就叫台下人去練習,沒有足夠的助教。基本上只有本身已經玩開高難度瑜伽嘅參加者做到。

有個好力嘅瑜伽導師陪自己玩好關鍵呀!圖為瑜伽導師 Kinsen, Facebook : Kinsen Yoga

活動設施夠細心

有一樣嘢活動單位係做得好出色同好體貼,就係場內嘅設施喇!包括有贊助商提供嘅防曬粉同 body spray,可以降溫防曬。雖然我最後都係曬到背脊一達達呀救命,跟住個背心痕唻曬…另外,場內亦有足夠嘅分類垃圾桶,又有環保嘅添水機,唔售賣膠水樽嘅水。呢啲細節都係做得非常好。

唔係廣告唻架,真係好感恩俾我地任用防曬,雖然防曬力度唔高,但無立,同幾香。

Fitness 課堂

至於 fitness district,簡直係我當日嘅大亮點呀。因為澎湃嘅音樂,再加上連我都可以跟到嘅 Zumba 舞蹈及 fitness 舞步,成班人一齊 enjoy 真係好歡樂。


由細我都係摺仔,內向,哮喘,文靜,跳舞就只會跳好subtle嘅中國舞。可能係因為驚人地點睇自己,點諗自己。但練習瑜伽後,令我嘅「海底輪」同「本我輪」更加充滿力量後,我把握每個可以公開胡亂跳舞嘅機會。因為其實^_^胡亂跳舞本身就係一種自然嘅治療,令我地同大地更親密接觸聯繫。

胡亂跳舞片:

旁邊耍樂時間

其實唻到 IRIS,更多嘅時間係同同為瑜伽導師朋友喺場內做瑜伽拍拍照。上完曬堂,跳完舞熱完身,身體已經預備好做一下深層次點的動作。拍 acroyoga 令我笑到收唔到聲,因為唔好睇照片個動作咁優雅,每次要做到動作前總會有好多蝦碌情況出現。

笑點一,他吃了我的頭髮。
笑點二:『不如你隻手後啲? 』『不如你隻腳長啲?』
正經啲。Rajakapotasana (One-Legged King Pigeon Pose)可以滋潤我地嘅腹部及其內臟,張開肩膀及上胸。
正經唔到呀,我拉筋放鬆卻被漁民捕獲『一條大魚』咁款。

總結

下年如果 IRIS 再舉辦嘅話,我都會再參加嘅。因為如果早買飛,先係90蚊一日。但我應該會選擇去多d fitness district,跳多幾隻廣場舞。因為可能係職業病問題,覺得瑜伽始終係小班比較好呢!

MancheeYoga Facebook專頁


Fitz 原文連結:https://fitz.hk/?p=88923

更多:
Fitz Facebook 專頁
成日病同腎虛有關? Restorative Yoga 跟住練
[召喚馬甲線] 5分鐘Pilates Workout
考你腿部平衡力、肌耐力和柔軟度「流瑜伽」提升運動表現
[陰瑜伽教學] 肩頸救星 10分鐘 鬆膊 拉筋 去勞損
[陰瑜伽教學] 10分鐘去水腫 瘦腿 運動舒緩
Fitz Yoga 瑜伽

廣告
Man Chee
大家好,我叫Man Chee,現居香港教導瑜伽,為國際200小時,及英國註冊YIN Yoga和兒童瑜伽導師。透過練習瑜伽令哮喘及暗瘡痊癒,亦愛遊走世界尋找生命昇華,希望能不斷突破自己,跟大家分享瑜伽點滴!