東京馬拉松10周年—出發前篇

(圖片來源：東京馬拉松官網)

今年，在東京馬拉松十周年的大日子，無心插柳下難得同女朋友都一起抽中，梗係要去日本做下廢青啦！

等左好耐，終於收到東京馬拉松郵件。

等完又等，終於渣馬後一星期左右等到東馬的跑手包領取書。我最佩服係東馬的主辦單位，在這個科技發達的年代，都仍然以郵寄方式派發參賽資料。雖然唔太環保，但係親手拎住封信個感覺都已經好似去左日本。講返封信先，入面除左有張跑手跑領取信外，亦有好多不同的宣傳單張。其中有一張比較特別的，就係可以登記於東馬跑過checkpoint時，會自動幫你post上facebook，通知你的朋友為你打氣！呢個服務於其實已經唔係第一年提供，而今年渣馬亦有類似的服務。

除左經過checkpoint時會post上facebook外，該系統仲有得俾你set target time。(呢個target time係我傷病前的目標時間)

雖然香港有好多跑友已經跑過東京馬拉松，但係我都希望藉住在旅途中的分享，讓未能抽中的跑友，都可以一同感受東馬十周年的歡樂氣氛。

更多：
Fitz.hk Facebook專頁
[東京故鄉祭2016] 全國美食、祭典、馬拉松，齊聚東京巨蛋!
[日本皇居] 東京慢跑聖地，來加入皇居跑者的行列吧！
Fitz Running 跑步