分享會現在場票數是2:1。兩個女生是以出街要著內膽的肯定態度表示，梗係化妝啦。
跑步為左咩？為左「靚」
----- 廣告 Ad -----
簡單交代三位女生的背景：
一位運動blogger多年，由中大跑圈到10km、半馬循序漸進到達全馬階段，歷時多年，相信佢平日都堅持天然無添加。
一位兩子之母，被歐陽靖（唔係mc Jin）啓發，五個月內每星期加2km咁練，早排去左名古屋跑女子全馬，被全部日本女子化全妝畫面震撼，絕對堅持化妝，被跑步圈師兄奉為女神。
一位青春少艾，由大學時代已經成為運動品牌的大使，拎過無數嘅紀念用品，最近到台灣完全女子馬拉松的半馬。練跑自拍化妝先，當然係生活常態。
世界變了，我一直以為女仔跑步，崇尚天然，新陳代謝、面泛紅光、天經地義，宜家我都開始懷疑，D汗珠係咪噴水噴落去。
呢篇文章唔係討論點樣跑個全馬個妝唔溶，而係個世界究竟變左邊忽？
- 女仔們開始將天下無醜女，只有懶女嘅道理付諸行動，佢地開始放棄唔郁都減到肥嘅諗法。
- 相信食呢樣、做嗰樣，試左咁多年嘅瘦身療程副作用都出哂，不如慳番D買D防水化妝品好過。
- 以前靚係俾隔離嗰個睇，宜家靚係俾揸手機嗰個睇，跑步嘅原動地係自拍，無帶手機應該會第一時間跑番屋企。
總結：運動d衫靚左，運動張相靚左，運動嘅人靚左。
仲有紀念品都靚左，Tiffany 囉，救命。
問題：有無男人出街跑步化妝？ & 素顏女子馬拉松有無人參加？
更多：
三個女生教我跑步的事(二) 有一種馬拉松叫「女子」
10個令女生開始「喜」跑的原因
三個跑女一個墟
個腦生喺對腳度?
Law少其他文章
Fitz Running 跑步
Law少 許耀斌
人稱Law少，前電台主持及監製，酷愛體育運動，多次參加馬拉松及毅行者活
動，近年更嘗試進軍三鐵及渡海泳。對於跑步、對於行山、對於比賽，均有深刻而令人動容的看法。著有《原來在沒有盼望 的地方才需要盼望》。