唔少運動飲品都標榜消暑解渴，甚至補充體力、提升運動表現，但事實係咪咁呢? 首先大家要清楚，運動飲品可分為3大類，功效亦有所不同:
- Isotonic drinks (等滲飲料): 糖及鹽的份量，與身體的體液相近，可用於運動中途及運動後補充水份之用
- Hypertonic drinks (高滲飲料): 含多糖多鹽，可於激烈運動期間維持身體正常機能
- Hypotonic drinks (低滲飲料): 含低糖及低鹽，在身體急需足充水份時 (如中暑)，用作大量補充水份
市面上，大多數運動飲料均屬等滲飲料，我哋選擇運動飲品時，亦可視乎目標而分類。
F1冠軍咸美頓
----- 廣告 Ad -----
選擇運動飲品: 補水 vs 補能量
水分補充飲料
水分補充飲品由電解質及糖類 (碳水化合物) 所稀釋，通常指葡萄糖、蔗糖、果糖及葡萄糖聚合物（如麥芽糊精）。呢啲飲品，會比飲水更快地補充水分，亦有助維持血糖。水分補充飲料多為「低滲透」或「等滲透」飲料。
能量飲料
能量飲料會提供更多碳水化合物，目的係要提升盡快回復飲用者嘅能量，同時亦補充水分。此類飲品通常是「等滲透」飲料。
運動飲品的發展故事
最早研發: 葡萄適 Lucozade
葡萄適，是由一位英國紐卡素的藥劑師於1927年研發，並於一次大戰前推出市面，以「Lucozade aids recovery」為宣傳口號，以給病人作為回復體力的飲品。原本只是葡萄糖加開水的飲品，於醫院散裝售賣給病人及小朋友，上世紀70年代以玻璃樽裝出售。過去香港人到醫院，也有以葡萄適探病的習慣。到1983年，葡萄適改以膠樽包裝，並打造成運動飲料在運動界推廣。90年代更推出 Lucozade Sport，正式進軍運動飲料市場，贊助英超球賽。
2016年前，葡萄適所含糖份比可口可樂還多。2017年英國推行「糖稅」，政府要限制市面上飲品糖份，葡萄適所含糖被逼減少。
2017年，葡萄適股權已由日本企業三得利 (Suntory) 接手，三得利同時購入另一英國飲料利賓納 (Ribena) 的控制權。
美國第一支運動飲料: 佳得樂 Gatorade
Super Bowl決賽的餘慶節目，就係向得勝教練倒晒成桶佳得樂。
----- 廣告 Ad -----
佳得樂由一位德州大學的研究員在1965年研發，為當地大學美式足球隊 Gator (短吻鱷) 提供運動後補給品，故飲料名為 Gatorade。球隊後來奪得學界最高榮譽 Orange Bowl，令球隊以及 Gatorade 聲明大噪，亦令運動補給以及「運動飲料」概念，正式成為學術界以至商界一大議題。
佳得樂品牌於1988年售予美國食品公司貴格 (Quaker)，2000年轉售至百事可樂。
為醫生補給: 寶礦力水特 Pocari Sweat
寶礦力水特於1980年由日本「大塚製藥」發明。故名思義，Pocari Sweat，飲品以補充流失汗水 (sweat) 為目的。
當年藥廠推銷員向醫生推銷藥品，言談間發現醫生做手術時，往往因手術時間太長，沒有時間休息及飲食，而要飲用手術間的生理鹽水以補充水份。這些鹽水相當難飲，成為醫生的苦事。藥廠發現這件事，覺得可以發明一些好喝點的飲品，於是發明了「寶礦力」。
世界各地運動飲料一覽
佳得樂之後，運動飲料成了新一代流行商品，世界各地推出了不同品牌的運動飲料:
- Lucozade (葡萄適): 1927年研發，1938年推出
- Gatorade (佳得樂): 1965年推出
- Sqwincher: 1975年推出，主力銷售至美國、加拿大及墨西哥等地
- Isostar: 在歐洲銷售的運動飲料，於1977年面世
- Staminade: 1970年代開始於澳洲發售
- Pocari Sweat (寶礦力水特)：1980年由日本公司大塚製藥製造
- Aquarius (水動樂)：1983年首次於日本銷售，現屬於可口可樂公司
- 100PLUS: 1983年由馬來西亞公司楊協成製造
- 10-K Thirst Quencher: 1987年於美國大學圈銷售，2002開始在市面消失。現為日本企業三得利所屬
- Powerade: 可口可樂公司製造，1988年推出
- All Sport: 1993年由百事可樂公司研發
- Vitamin Water: 於2000年推出
- Accelerade: 英國運動飲料，以蛋白質為補給方式的運動飲料
- BodyArmor: 2011年創立的美國飲料，Kobe Bryant 生前亦為投資者之一，2018年可口可樂收購了部份股權
資料參考: 維基百科
