民間團體組行山團第二站 | 屯門青山 > 良田坳

秋高氣爽係時候再出發行山啦，疫情兩年幾，玩開嘅就繼續操，無玩開嘅膽固醇偏高，為咗鼓勵更多人開始郁返，獅子山精神隊 將會搞五次行山兼快閃派襟章活動，一共五條路線，最高點分別係大帽山、鳳凰山、太平山、八仙嶺同青山。

獅子山精神隊 shall we walk 快閃派襟章活動 第一站順利完成，首先要多謝fitz發佈活動消息，IG 都多咗幾百人follow。

現場目測都有唔少 man 爆男士排隊拎襟章仔，形成強烈反差萌，亦希望大家享受到我地建議嘅針草帽路線，我地仲見到大家拎住襟章喺大帽山影日落，真係非常開心。派襟章安排如有不善，請大家多多包涵，志在鼓勵大家叫多d朋友嚟行山。

好，而家公佈第二站，「青山」。

行山團第二站: 屯門青山

建議路線: 屯門西鐵站>青雲路>青山>青山>良田坳>良景邨 (約5.5公里)

• 活動日期: 11月13日 (星期日)
• 襟章仔派發地點：青山寺牌坊下面
• 襟章仔派發時間：下午2時 準時派發

(注意: 此山徑多為碎石沙地路面，宜穿著合適的行山鞋及裝束，注意安全)

報名方法

電郵去 [email protected] 預留限額（額滿會通知大家），但逾時就無得補發，盡量希望做到預留同即場參加嘅兩班人都拎到。

另外希望大家post 你襟章上網可以 tag 返 FITZ 同 獅子山精神隊 嘅 IG (lion rock spirit team)  ，等我地可以睇吓你個笑容呀。