Salomon 今年推出全新越野跑鞋 Ultra Glide 3，主打高緩震及穩定，單睇外型，已經知道與 Salomon 一貫設計有分別，但跑落又如何? 今次 Fitz 就請來豐山跑主教練 “KFC” 張祺豐，上腳試一試。
Ultra Glide 3 基本資料
Ultra Glide 3 係 Salomon 最新研發越野跑鞋，重量約為290克 (男裝UK9 )，主要有三方面革新:
energyFOAM 中底提升吸震回彈
採用 Salomon 最新 energyFOAM 材料為中底，厚度達41毫米 (足跟) 及35毫米 (前掌)，係品牌目前最「厚底」設計，有助提升吸震及回彈效果，減輕長距離跑步時足底疲勞感
RelieveSPHERE 外底技術
鞋底採用波浪型幾何設計，relieveSPHERE 技術有助分散足底壓力，減少局部疲勞
All Terrain Contagrip®橡膠鞋底
All Terrain Contagrip®橡膠大底適用於濕滑、乾燥、堅硬及鬆散等多種地面，鞋釘數量由上代57粒減至32粒，提升崎嶇地形上抓地力及靈活性，4mm鞋釘在雨天及多變路況下都有良好表現
張祺豐 KFC 實測 Ultra Glide 3
人稱 KFC 的張祺豐，多年來在本地及國際賽事中屢獲佳績，2017年參加 UTMB CCC 並成為當屆賽事「港一」，後來創立跑會「豐山跑」，2023年更成功以59小時30分完成香港四徑 HK4TUC。
在 Instagram 查看這則貼文
今次 KFC 經過約30公里的山路體驗，包括在青山以不同速度進行測試，對 Ultra Glide 3 舒適度有高度評價: 「坦白講， Salomon 以往俾我印象大多係薄、輕、鞋底較硬、坑紋不深，barefoot 感覺會多啲。不過近年推出嘅 Glide 系列，特別是今次測試嘅 Ultra Glide 3，採用 Maximal Cushioning (超厚底緩震)，同其他品牌厚底跑鞋趨勢更為接近，與 Salomon 傳統鞋款有顯著分別。」
KFC 表示，之前亦曾著過較有活力和彈性 Ultra Glide 2，而第三代就腳感「較軟」，雖然厚底但不笨重，提供到充足緩震:「對於一對有份量嘅越野跑鞋，300g 內其實都算輕的，和其他牌子的超厚底越野鞋相比，Ultra Glide 3 都已經輕咗5-10克。」
至於鞋底「波浪型」設計，KFC 認為能在凹凸不平的石屎路和草地，提供更佳穩定性:「確實是我試過落青山和喺一啲山徑跑，感覺都非常穩定。跑得舒服得嚟，腳腕亦唔會擺來擺去。」
適用對象
Ultra Glide 3 會適合哪些跑手和場合呢?「這對鞋我覺得是適合任何人用的，亦適合初階者，因為鞋底 Cushioning 做得不錯，保護性亦甚高。」KFC 建議初學者或不喜歡傳統 Salomon 輕、硬感覺的跑手，可以考慮此鞋款，亦適合行山及普通旅行穿著。
至於比賽用途，KFC 表示:「我覺得呢對係適合長距離，50公里以上嘅賽事都絕對沒問題，因為 Ultra Glide 3 緩震比較好，還有穩定性都高、不算很重，整體我覺得都 OK。」
Salomon Ultra Glide 3 | KFC 測試總結
- 在舒適度及穩定性方面表現突出
- 鞋底設計適合多種地形，提升穩定性
- 重量屬於同類產品中較輕，適合長距離越野賽事
- 建議初學者及尋求厚底緩震的跑手考慮此鞋款
- 適用於行山、旅行及長距離越野比賽
