對大多數人來說，跑步是一場追逐時間的競賽，每分每秒，都象徵著努力的回報。不過，對於 Why Not Run 的「肌肉擔當」，試跑員二號 Gabriel 來說，跑步已經超越了數字，它更像是表達愛與關懷的方式。老土? 一切要從年多前的那場意外說起。
練大隻係因為…
先交代一下人物背景: Gabriel 六歲開始習泳，中小學期間參加過大小游泳比賽，後來到澳洲留學，轉而練大隻做「肌肉男」，原來是為了人身安全:「當年到埗第二日就俾人打劫，後來覺得練大隻少少，至少可以保護自己。」雖然當地健身室費用高昂，Gabriel 未能有系統地健身，但仍盡力練大隻，養成了運動習慣。
回港後，Gabriel 曾經參與龍舟運動，而他亦是在龍舟隊友邀請下，第一次參加100公里毅行:「佢哋話你玩開龍舟，有底㗎啦，一定冇問題㗎啦!」當時 Gabriel 對越野賽毫無概念，就算活動前最長的訓練距離，也不夠20公里，準備當然是不足。「去到北潭坳，我隻腳已經開始痛，隊友用硬水樽幫我按 ITB，痛到要命。」最後，Gabriel 與隊友們憑住意志，以35小時完成:「當時我同自己講唔會再玩，我唔想再咁樣 suffer。」不過與大部份人一樣，到了翌年毅行還是乖乖報名。
不過，Gabriel 成為認真跑友的真正轉捩點，源於一次失戀。「當時想做一啲衝擊，」於是他報名參加了 Translantau 及它的越野跑 workshop。他憶述，第一堂上山的經歷，已極具挫敗感:「七月三十幾度，喺銀礦灣起步上大東、鳳凰，去到伯公坳我已經要撤退。」經歷了這次，認清了自己不足，Gabriel 決定花更多時間上山練習，接觸到更多跑步圈子，也就是在此時認識了後來 Why Not Run 的 Peter 與試跑員一號 Ryan。
Why Not Run
「Peter 話想搞一個講跑步嘅c hannel，但唔想太official、太serious。」Why Not Run 當初的構思是兵分兩路，一條線由 Ryan 主力介紹跑會，另一條線則由 Gabriel 負責，以「跑少少、食多多」吸引初階跑者。「我覺得好似幾好玩咁喎，咁試下囉。」Gabriel 坦言，自己起初對在鏡頭前說話有點抗拒，但考慮過後，還是決定接受這個挑戰。
Why Not Run 至今已成立近兩年，最初的目標是做一個「跑會 Wikipedia」，讓跑友們能找到適合自己的群體，沒想到頻道的迴響遠超預期。Gabriel 笑言，無論在運動場還是山上，甚至只是跟太太去吃早餐，都會被觀眾認出:「唔會尷尬，但你會覺得驚訝，原來有咁多人睇!」
今年，Why Not Run 更會以自己名義出戰毅行，三子都會落場參加:「除了參加比賽，我們亦會花多點心思，籌辦更多別出心裁嘅活動，令大家一齊開心跑步。」
成績只是數字，回憶卻是永恆
鏡頭前總是笑臉迎人的 Gabriel，私底下卻形容自己是個典型的雙魚座，不開心時習慣獨自消化，不輕易向人傾訴。然而，參與三鐵的太太，年多前在練習時遇上交通意外，令他人生觀和跑步哲學，有了翻天覆地的改變。
「望住太太受傷，連走路都有問題，到一步步康復，再次踏上跑道，呢個過程，比起見證佢做到全馬 PB 更感動。」
「我而家會覺得，其實好多嘢唔係必然。可以簡簡單單一齊跑步，其實已經要好感恩。」
這次經歷，亦令 Gabriel 對跑步有了新體會:「以前會想追逐時間、追逐成績，但而家會覺得，活在當下重要得多。」他憶述，早前與太太到日本行山，兩日跑了四十多公里，「時間唔需要快，但兩個人一齊經歷嘅嘢，係永遠都會記得。」
「而家跑步對我嚟講係陪老婆。我想去進步、想去跑快啲，個原因都係我老婆。」他笑言，太太的進步神速，自己已經追不上:「佢三分幾披衝個圈，我已經跟唔到佢，所以努力練習，都係想跑快啲跟到佢，一齊經歷更多。」
對 SOAR 情有獨鍾
問 Gabriel 對 SOAR Running 的感覺，他簡單直接回答: 「第一件 SOAR 背心就係太太送俾我，所以對佢有一份特別嘅情感。」
作為一名「大汗」人士，Gabriel 對運動衣物的透氣性要求亦較高: 「我跑幾公里已經全身濕晒，所以物料通爽對我嚟講好重要。」因為 Why Not Run 關係，他也接觸過坊間不少供應商，雖然不少品牌聲稱與 Soar 使用相同物料，但穿著後效果明顯有差異:「坊間好多品牌都會提到 SOAR，甚至用嚟做 benchmark，但真正穿過 SOAR 嘅人就會知道佢嘅獨特之處。」
倫敦的跑步品牌 SOAR Running
SOAR Running 於2015年由在倫敦成立，創辦人 Tim Soar 為跑步及單車愛好者，發現大多數運動品牌都集中開發跑鞋，而忽視了服飾。Tim 以自己在時裝設計的經驗，採用了單車上衣的靈感，設計了專為高溫跑步及高強度 Tempo Run 訓練的服飾，大受有要求的跑者歡迎。
SOAR Running Race Vest 是品牌最受歡迎的產品之一，Race Vest 既有時尚的設計，而採用了單車服飾的空氣動力學原理，開放式網狀 SPACE3D 剪裁布料令衣物更透氣舒適。而用上100% 義大利製造可再生布料亦是賣點，品牌發展之初他們還在荒野烈日中進行專門測試，以令服飾能應付炎熱的環境。
銷售點
- WAH-LAAH! 網店
- WAH-LAAH! 崇光百貨: 銅鑼灣店4樓 4-15C鋪 – 9173 5297
- Action Panda 運動用品專門店: 觀塘道460號 觀塘工業中心2期4樓P室 – 50118027
- Runderful@AIRSIDE: 新蒲崗啟德協調道2號AIRSIDE地下G008號舖 – 24201138
- Runderful@禮頓中心: 銅鑼灣禮頓道77號UG層G09號舖禮頓中心 – 2205 0332
- Runderful@觀塘APM店: 觀塘觀塘道418號APM 4樓1A號舖
- Cam2 Sport: 香港旺角登打士街56號家樂坊10樓 – 27870173
- 優遊天下: 文咸東街51號地下 – 27456988
- Hillmalaya: 觀塘巧明街105號好運工業大廈3樓B – 34860516
