Salomon 發佈最新環保跑鞋 Index.01，生產商聲稱跑鞋絕對係100%可回收，環保之餘亦講求舒適及實用。
可持續發展概念
Salomon 話 Index.01 由佢哋嘅位於法國阿爾卑斯山嘅設計中心，進行咗三年開發，跑鞋最大賣點係每個部份都可以重複使用，實踐可持續發展概念。
- 鞋面由可回收聚酯製成
- 新研發嘅縫線，同鞋面嘅物料一樣，方便回收再用
- 鞋底泡沫只有單一物料 (TPU)，並且可輕易磨碎，經加工後可製成滑雪靴
- 跑鞋包裝符合現今嘅環保包裝方式，不會採用不必要嘅掛牌及填充物。
- Salomon 會於全球多個地區設立回收中心，客戶可將損壞跑鞋寄到回收中心。回收中心會將跑鞋物料回拆，再製成其他產品，令跑鞋重生。
Index.01 重量為285克，定位為休閒運動鞋，但因其重量以及減震性能，亦可作路跑之用。跑鞋計劃於2021年春季上市，暫定售價為200美元 (約1550港幣)。
----- 廣告 Ad -----
資料: Salomon IG
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。