紐約時報二月中有報道指，由法國人創辦嘅跑鞋生產商Hoka One One（旗下仲有行山用品Teva），業績在過去一年急升三倍半！跑鞋嘅賣點，三個字講晒：夠厚墊！
Hoka One One嘅厚墊，絕非泛泛之談，鞋墊嘅厚度介乎27至35mm，仲稱聲極為輕巧（重265g）。據生產商講，鞋墊因為其減震功能良好，可防止受傷。品牌代言人奧運1500米跑手Leo Manzano（上圖），話以前有足底筋膜炎，著咗一星期後，傷患無晒喎。
紐約時報引述科羅拉多州大學嘅研究，話10mm的保護墊的確有助節省能量，但加至20mm就無效益了（Hoka One One更厚至35mm）。佢哋亦訪問一位生物學家，話鞋墊太厚會有礙爆發力，要跑速度就唔適宜。
雖然2009年《天生就會跑》出版，掀起全球一股赤足跑步潮流，但Hoka One One逆潮流而行，又竟然殺出一條新血路。
----- 廣告 Ad -----
Hoka One One嘅厚墊，絕非泛泛之談。
除咗係跑鞋外，亦可當佢係「增高鞋」，因為一著上必定會高幾吋。
資料及部份圖片：紐約時報
更多：
運動手錶混戰時代開始
指揮燈上身嘅單車背心
Fitz裝備文章
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
