如果你能夠深思一分鐘，諗諗今日吸收過咩正面信息，結果可能咩都無，但唔使一秒，負面信息已經包圍住我們，車廂好迫、人好「低頭」、新聞好9、無賴當道、PK滿盈，連劉華都傷埋，認真世界末日。
呢個世界都實在恐怖，要活得正面除非自閉，與世隔絕，唔睇新聞，唔上FB，唔再出街，因為活人負面過喪屍，否則要用上120%力先能夠唔同流合負咁作一點光，夠照到自己，心情好一d。
今天唔係講能量，只講心情。其實負面細胞同癌細胞一樣係每天都想侵蝕我地，有醫生話癌細胞食醣，而我認為負面細胞食憤怒、憂慮、衰傷、失望、散慢、氣餒及無奈。
----- 廣告 Ad -----
無奈，好多合理，應該有嘅嘢，爭取唔到，久而久之，想要嘅嘢亦隨便放手，俗稱無哂火。喺馬拉松入面，因為體力透支，迢長路遠，反而你一定要學習「自我鼓勵」呢四個字。如果一個人連最常用嘅自我鼓勵方法都無，真係好可悲。因為你唔知自己點先會開心。
有本書叫《為何一流的人不會有壓力》，出自一位日本精神科醫生嘅手筆。內容大部份講斷醣，因為食醣/糖變成我地唯一得到快樂（安多芬）嘅途徑，代替咗運動自然產生快感，最後演變成醣中毒，亦係大部份人點解食甜品係兩個胃嘅原因，結果我地又變成糖/醣嘅奴隸，無糖我地 DOWN，有糖我地 HIGH。我地嘅喜怒哀樂都係被操縱。
一般人捨難取易，實屬正常，一般人寧願食過量而唔做運動，正常，一般人寧願長時間負面過活，吱都唔笑一下，正常。
因為負面容易，唔使力，諗完講完搞掂，正面就難，要用力，要笑，要將不可能變為可能，要挑戰自己，要突破極限，要帶領其他人，要活得精彩，但先要上色。
將顏料由顏料碟放上畫布上都要力，要創造。
懶人唔 deserve 活得精彩。負面癌都係自己攞嚟。
----- 廣告 Ad -----
如果大家硬要求一個方法，先學懂感恩，感謝今天你所得到嘅關心、經歷及擁有，我感恩上年同一班年輕人（或心境年輕的長輩）去行行山、看看海日子。多謝你地讓我生活自然地有活力。
有次生日聚會，我已經講過，今天得來不易，將來去向未明，珍惜今日同在，感謝神的賜與一起走過的日子。
當香港變得無你無我無情無生無死無義，我地仍然有你有我有情有天有海有地。
（羅馬書 1:20 自從造天地以來，神的永能和神性是明明可知的，雖是眼不能見，但藉著所造之物就可以曉得，叫人無可推諉。）
更多:
Fitz.hk Facebook專頁
[從病友到跑友] 你敢挑戰自己嗎?
[I beat that fxxker!] 以為懷孕卻發現三期癌瘤，十萬人見證她怎樣憑運動挑戰死神!
Fitz.hk Life生活
