----- 廣告 Ad -----
日本樂天集團董事長兼社長三木谷浩史，早前接受美國 CNN 訪問時批評，喺疫情下舉辦東京奧運等同 「自殺行為」，仲對日本政府嘅防疫措施俾2分 (滿分10分)，認為應對非常失敗。
三木谷浩史話:「舉辦嚟自全世界嘅人們聚集的國際性活動很危險，風險太大。」，明確表示「反對今年舉辦奧運。」
事實上，唔單止三木谷浩史，日本疫情近期再次大爆發，包括錦織圭、大阪直美在內多位日本運動員都呼籲政府停辦奧運。據日本國立感染症研究所，喺5月12號公佈嘅分析結果，日本全國90%以上嘅新冠病毒，已替換為傳染性強嘅“N501Y” 變異毒株。另外傳媒更獲悉，變異病毒株導致重症嘅風險，可能係以往毒株嘅1.4倍，即係疫情有可能會更嚴峻。
----- 廣告 Ad -----
老老實實，距離東京7月23日開幕日，只有兩個月多少少，而家疫情仍未受控，其實係咪應該諗下最壞打算呢? 如果最後搞唔成，又同邊個算帳好呢?
資料: 共同社
Fitz 編輯部
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。