奧運倒數100日，雖然主辦國日本國內對舉辧與否爭議不斷，不過商業世界繼續運作，加拿大同美國就分別公佈咗兩國嘅奧運閉幕禮制服。
加拿大著牛仔衫
加拿大制服採用街頭塗鴉風格，配上由 Levi’s 設計牛仔外套。呢套服裝舊年已經公開，但奧運延期，今年再對外發佈一次。不過，發佈幾多次都好，大家對於呢個設計似乎唔太受落。
呢個設計意念係呼應東京街頭文化，不過加拿大民眾就唔係太 buy。英國《衛報》引述當地設計師評語: 「呢件衫應該幾適合1992年巴塞奧運，但喺廿一世紀就幾難令人接受。」
美國閉幕禮著 Ralph Lauren
美國休閒服品牌 Ralph Lauren 最近就公布咗美國隊嘅閉幕制服，以簡約白色設計為主調，最花心思就係服裝採用環保物料裝成。
不過呢套制服亦好吸嬲，好多人覺得成套衫嘅風格太高不可攀，令人諗起以前社會嘅上流階級。有評論更加設計令人作嘔，「睇到佢就希望東京奧運可以取消。」
呢時呢刻，套制服多唔多人鍾意可能已經唔係最重要，因為東京奧運分分鐘要取消，到時呢兩套衫都未必有機會喺公眾展示。
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。